Një 16-vjeçar është lënë i plagosur rëndë në derën e një spitali, nga një makinë e cila më pas është larguar me shpejtësi.
Mësohet se i riu ishte me origjinë shqiptare dhe dyshohet se është plagosur nga i zoti i shtëpisw, ku kishte hyrë të vidhte. Siç raportohet nga mediat italiane, shqiptari ka marrë plagë të rënda në bark dhe se personi që e ka dërguar në spital, mendohet të jetë pikërisht pronari i shtëpisë.
Hetuesit kanë sekuestruar kamerat e sigurisë për të zbardhur ngjarjen, e ndërsa raportohet se 16-vjeçari është jashtë rrezikut për jetën.