Një atentat me armë zjarri ka tronditur këtë mbrëmje Tiranën. Ngjarja ka ndodhur pak më parë, në zonën e Komunës së Parisit.
Nga të dhënat e para, raportohet se nga të shtënat ka mbetur i plagosur një person 26 vjeç, i cili është dërguar me urgjencë në spital.
Policia ka mbërritur në vendngjarje dhe ka nisur hetimet për identifikimin e autorit/ëve të plagosjes, si dhe sqarimin e rrethanave të ngjarjes.
Grupi hetimor pritet që të marrë në pyetje të plagosurin mbi konfliktet që mund të ketë pasur. Gjithashtu pritet që të sekuestrohen edhe kamerat e sigurisë së bizneseve pranë vendit të ngjarjes për të shkuar në gjurmët e autorëve.