24 “bajraktarë” zonash, që do t’u verifikohet edhe “kuponi i blerjes së brekëve”, Rama u “fërkon kokën”, SHBA do t’u “bjerë kokës”

Qazim Sejdini, Fran Frrokaj, Majlinda Bufi, Petrit Sinaj, Fiqiri Ismaili, Xhelal Mziu e Tërmet Peçi, nga “morracakë katundi” janë bërë miliarderë e pasanikë

Në krye të bashkive, nuk janë propozuar nga populli, por janë caktuar e emëruar me urdhër të partive, janë votuar me “hap rreshtor” nga militantët e PD, PS, LSI, ndaj “nuk e pjerdhin” fare popullin, por e tallin vërdallisin, mashtrojnë dhe e zhvatin me taksa, gjoba, koncesione, rushfete për strehim, punësim, privatizime, qira objektesh, licenca e për çdo gjë, që duhet vendimi i kryetarit (bajraktarit).

-Lexo edhe:

Shqiptari që jeton me gjarpërin!

“Ne jemi të hapur për çfarëdo sistemi”, Alibeaj flet për Reformën Zgjedhore: Opozita nuk ka asnjë propozim të ri që prej 9 marsit

Kryebashkiakët, të fuqizuar ekonomikisht me korrupsion, si blerës të mandateve tek shefat e partive dhe në çdo rast abuzimi, të mbrojtur bashkërisht nga krerët e politikës majtas-djathas, ata sundojnë nga 8, 12 e deri 20 vjet, me statusin si “bajraktarë” zonash, secili në principatën e vetë, ku kanë turmat që votojnë sa për “numër”, kanë bizneset, bandat dhe deputetë mburojat e tyre.

Janë bërë aq të fuqishëm e të personifikuar si “bajraktarë” (pronarë) të 61 zonave, sa nuk është rastësi, që në 10 vitet e fundit, sa herë tregon, se nga cili qytet je, nuk të përmendin emrat e personaliteteve kombëtare historike e kulturore të zonave si Agollin, Budën, Fishtën, Poradecin, Ali Pashën, Bushtallinjtë, Kadarenë, Isuf Myzyrin, Çerciz Topullin, Vaçe Zelën etj., por të përmendin emrat e kryebashkiakëve dhe ja çfarë ndodh: – Kur thua “jam nga Durrësi”, përmendin Vangjush Dakon – Kur thua “jam nga Elbasani”, përmendin Qazim Sejdinin – Kur thua “jam nga Poliçani”, përmendin Adriatik Zotkën – Kur thua “jam nga Shkodra”, përmendin Voltana Ademin (para saj Lorenc Lukën) – Kur thua “jam nga Vlora”, përmendin Dritan Lelin (para tij Shpëtim Gjikën) – Kur thua “jam nga Korça”, përmendin Sotiraq Filon (para tij Niko Peleshin). – Kur thua “jam nga Vora”, përmendin Fiqiri Ismailin – Kur thua ““jam nga Divjaka”, përmendin Fredi Kokoneshin – Kur thua “jam nga Roskoveci”, përmendin Majlinda Bufin – Kur thua “jam nga Berati”, përmendin Petrit Sinaj (më parë Fadil Nasufin) – Kur thua “jam nga Himara”, përmendin Jorgo (Gjergj) Goron (para tij Vasil Bollanon) – Kur thua “jam nga Puka”, përmendin Gjon Gjonaj – Kur thua “jam nga Tepelena”, përmendin Tërmet Peçin – Kur thua “jam nga Lezha”, përmendin Fran Frrokajn, (para tij Viktor Tushën) – Kur thua “jam nga Kamza”, përmendin Xhelal Mziun.

Këto “emërtesa” private mbi zonat, nuk e kanë fituar moralisht, por disa prej emrit të botës së krimeve që kanë pasur e kur kanë dhënë provat, se nëse i pengon e kndërshton, ata “vrasin”.

Disa kanë përdorur lidhjet me familjarë të lartë politikë e të gjithë, pasi janë bërë pasanikë, për të shtuar e mbrojtur pasuritë, për të shpëtuar nga prangat dhe sekuestrot, një pjesë të milionave të vjedhura, i kanë “investuar” në xhepa shtetarësh, politikanësh, kriminelësh, avokatësh sekserë, drejtora policie e shefa krimesh, prokurorësh e gjyqtarësh, duke u bërë sundues të frikshëm, shtypës, shpërfillës, plaçiktës, me fuqi “Kapobandë të territoreve”!

Nisur prej këtij fakti, SHBA-të, pas hetimeve 1 vjeçare, kanë bërë gati listën me 24 “bajraktarët” e bashkive, të cilëve Edi Rama, në 5 vite kryeministër po u “fërkon kokën”, ndërsa ndërkombëtarët kanë vendosur t’u “bien kokës”, duke u verifikuar edhe “kuponët i blerjes së brekëve”, mbasi ia bënë “MU”, që tipa si Qazim Sejdini, Fran Frrokaj, Majlinda Bufi, Petrit Sinaj, Fiqiri Ismaili, Xhelal Mziu e Tërmet Peçi shumë ish-“morracakë” të tjerë, të cilët domaten e konsideronin “frut”, nëpërmjet pushtetit banditesk nëpër bashki, nga “argatë me bukë me vete”, janë bërë miliarderë e pasanikë.

Ja 24 “bajraktarët” e zonave, të cilëve SHBA u ka skeduar pasuritë, dosjet zyrtare dhe damkat personale