"72.3 mld lekë detyrime të prapambetura", Tabaku nxjerr shifrat: Në 7 vite morën kredi dhe rritën borxhin publik

Ish-deputetja e PD-së Jorida Tabaku, ka akuzuar qeverinë ‘Rama’, se me ardhjen në pushtet ka gënjyer shqiptarët, dhe se ka përkeqësuar ekonominë e vendit prej vitesh. Statusin në FaceBook, ish deputetja e ka shoqëruar me shifrat, ku paraqiten detyrimet e arbitrazheve dhe jo vetëm.

Për të rejat më të fundit behuni pjesë e grupit tonë VIRAL në facebook : PAMFLETI

-Lexo edhe:

PD akuza qeverisë, publikon emailin: Do shembi spitalin e Kurbinit, 75 mijë banorë mbeten pa shërbim mjekësor

E krahason me sanitaren e Shefqet Ndroqit, Paloka ‘sulmon’ Ramën: Ka marrë 2 miliardë lekë (Lista)

Tabaku shprehet se qeveria ka gënjyer qytetarët në 7 vjet, duke rritur ndjeshëm borxhin dhe detyrimet e prapambetura.

“Detyrimet e prapambetura sot janë 72.3 mld lekë (620 mln euro) dhe janë kosto në kurriz të shqiptarëve që paguajnë taksat më të larta në rajon dhe kanë konsumin e ulët në rajon”, shkruan demokratj.

Ish deputetja paralajmëron se më 25 Prill gënjeshtarëve do t’i tregohet vendi nga shqiptarët taksat e të cilëve u vodhën dhe keqpërdorën

Postimi i Jorida Tabaku

Erdhën në pushtet me premtimin se do zerojnë “Detyrimet e prapambetura” dhe i cuan me 620 milione Euro.

Moren kredi dhe rritën borxhin public me premtimin se do të zerojnë “Detyrimet e prapambetura”.

Burgosen qytetarë sepse nuk kishin paguar detyrimet karshi shtetit ndërkohë që nuk paguajnë detyrimet ndaj të tretëve.

Gënjyen, mashtruan dhe plaçkitën buxhetin e qytetarëve duke u lënë peshqesh të njëjtën shumë të detyrimeve të prapambetura që vetë u zotuan se do ta zerojnë.

Rriten borxhin e fshehur pa bere asnje km rruge, pa ndertuar nje shkolle te re, dhane cdo gje me koncesion e PPP.

Detyrimet e prapambetura sot janë 72.3 mld lekë (620 mln euro) dhe janë kosto në kurriz të shqiptarëve që paguajnë taksat më të larta në rajon dhe kanë konsumin e ulët në rajon.

Janë litar në qafë për familjarët që po shpenzojnë cdo gje për t’u shëruar nga coronavirus ndërsa shteti është i smëurë nga pangopësia dhe korrupsioni.

Më 25 Prill gënjeshtarëve do t’i tergohet vendi nga shqiptarët taksat e të cilëve u vodhën dhe keqpërdorën sa në PPP aq edhe në tendera.