Lefter Koka është një personazh që prej vitesh ka pasur peshë të madhe në politikë: kryetar i Bashkisë së Durrësit, deputet dhe Ministër i Mjedisit. Ai ende vazhdon të hedhë valle në arenën politike edhe pse mbi kurriz ka peshën e rëndë të aferës me inceneratorët.
Koka herë kalon nga Partia Socialiste e herë nga LSI, kjo në varësi të interesit vetjak. Por në këto zgjedhje, nuk pati mundësi për zgjidhje. Marrëdhëniet me LSI-në u prishën që në momentin që nën presionin e Edi Ramës vendosi të mos ndërpresë mandatin e deputetit. Një akt i tillë u cilësua si tradhti nga partia në të cilën kontribuonte prej vitesh, kështu që u përjashtua.
I ekspozuar përballë akuzave të rënda, si personi që në rolin e Ministrit të Mjedisit, hodhi firmën për ngritjen e inceneratorëve, i duhej patjetër një mburojë politike për të mos përfunduar në burg. Kështu që si puna e strucit, e fshehu kokën tek Partia Socialiste.
Prej disa ditësh, ish-Ministri i Mjedisit ka zbritur në terren për të bërë fushatë elektorale në qytetin e Durrësit, ku edhe ka peshë të madhe politike. Në këto zgjedhje Koka nuk pret ndonjë post ministrie, por le të themi që po e bën falas fushatën, duke iu lutur Edi Ramës që të shmangë arrestimin e tij në krimin e përbashkët për inceneratorët./Pamfleti
https://pamfleti.net/fakte-ortaket-rama-ahmetaj-po-pastrojne-veten-nga-dosja-e-landfilleve-duke-bere-koke-turku-lefter-koken/ payday loan
