Një aksident i frikshëm ndodhi para disa ditësh në rrugën përpara ambasadës italiane, ku një makinë me shpejtësi 150 km/orë përplasi një automjet tjetër që po lëvizte sipas rregullave të qarkullimit rrugor.
Ngjarja ishte tepër e rëndë, pasi 2 kalimtarë të rastit shpëtuan për më pak se 1 sekondë nga vdekja e sigurtë.
Aksidenti u shkaktua nga shoferi Stiverjan Dashi, që po ngiste një makinë të tipit BMW, version 750 LI, e cila me një shpejtësi mbi 150 km/orë hyri me semafor të kuq dhe përplasi një makinë Skoda.
Në lidhje me aksidentin, policia e Tiranës nuk bëri asnjë njoftim zyrtar, pavarësisht se ishte i rëndë.
Sipas informacioneve për median, i riu Stiverjan Dashi ka marrë vetëm një dënim administrativ për aksidentin.
Kujtojmë se nga aksidenti kanë shpëtuar mrekullisht dy këmbësorët që po kalonin rrugën në vijat e bardha