Aktualitet13 Qershor 2024, 20:27

Paraqitja e Metës në SPAK, Dyrnjaja: Nervozizmi i tij tregoi se së shpejti do jetë nën akuzë!

Shkruar nga Pamfleti

Paraqitja e Metës në SPAK, Dyrnjaja: Nervozizmi i tij tregoi se

Gazetari Denis Dyrnjaja, deklaroi se së shpejti Ilir Meta, kreu i Partisë së Lirisë, do të jetë nën akuzë nga SPAK.

Në një intervistë për “A2 CNN”, Dyrnjaja tha se dalja e Metës në atë gjendje sot nga SPAK, tregoi se ky ishte fundi i tij.

Unë pashë sot, pasi doli nga prokuroria, fundin e Ilir Metës. E ndjeva goxha të stresuar. Njeriu që përpiqet të fshehë atë që ka brenda tij, sot nuk arriti dot të fshehë nervozizmin. Gjërat për të cilat është pyetur sot e kanë stresuar shumë Ilir Metën, pasi nuk është Ilir Meta ai që cakton agjendën se për çfarë pyesin hetuesit apo prokurorët.

Kjo nënkupton që Ilir Meta së shpejti do të jetë nën akuzë. Jo mund, por do të jetë nën akuzë. E kam bindje nga ajo që lexova prej tij sot. Unë zakonisht jam i matur para se të lëshoj deklarata, por sot e pashë shumë të stresuar”, tha gazetari.