Aktualitet19 Prill 2024, 15:26

SPAK kërkon përjashtimin e gjyqtares që ka në dorë dosjen e Nuredin Dumanit, ka lidhje familjare me avokatin e Gentian Sharrës

Shkruar nga Pamfleti

SPAK kërkon përjashtimin e gjyqtares që ka në dorë

Pas rrëzimit dy herë të kërkesave, SPAK ka kërkuar para trupës gjykuese 3-anëtarëshe, përjashtimin e gjyqtares anëtare Entela Shedula nga gjykimi i çështjes së Nuredin Dumanit dhe 19 të tjerëve, të cilët po gjykohen për vepra të rënda penale.

Gazetarja Klodiana Lala raporton se në këtë mënyrë zgjidhet konflikti i interesit, mes avokates Shedula dhe njërit prej avokatëve të të pandehurit Gentian Sharra, pasi ata rezultojnë se kanë lidhje familjare me njëri-tjetrin.

SPAK i jep kështu përparësi avokatit të zgjedhur nga vetë i pandehuri.

SPAK ka përfunduar hetimet, në bashkëpunim me Hetuesit e Byrosë Kombëtare të Hetimit dhe Drejtorinë e Përgjithshme të Policisë së Shtetit dhe ka dërguar për gjykim pranë Gjykatës së Posaçme të Shkallës së Parë për Korrupsionin dhe Krimin e Organizuar, Nuredin Dumanin dhe 19 të pandehur të tjerë, të cilët dyshohet se vepronin si një grup i strukturuar kriminal.