Aktualitet16 Qershor 2024, 14:00

Temperatura deri në 43 gradë javën që vjen, qytetet që do të "goditen" nga i nxehti afrikan

Shkruar nga Pamfleti

Temperatura deri në 43 gradë javën që vjen, qytetet që

Javën që vjen vendi ynë do të ndikohet nga kushte të qëndrueshme atmosferike kjo për shkak të depërtimit të masave ajrore të thata dhe relativisht të ngrohta me origjinë nga Anticikloni Afrikan.

Moti parashikohet i kthjellët në të gjithë territorin gjatë gjithë javës por nuk do të mungojnë vranësirat e pakta deri mesatare kalimtare të cilat do të jenë më tepër prezente kryesisht përgjatë relieveve malore.

Pritet rritje graduale e temperaturave,  të cilat do të jenë disa gradë më të larta sesa mesatarja mujore klimatike. Temperaturat pritet të shkojnë deri në 43 gradë. Qytetet që do preken nga temperaturat e larta janë: Elbasani, Shkodra, Gjirokastra, Fieri, Berati, Tirana dhe Lezha.

Era do të fryjë kryesisht nga perëndimi me shpejtësi mesatare 1-7m/s ndërsa përgjatë vijës bregdetare dhe zonat luginore ajo fiton shpejtësi mesatare deri në 10-12m/s.