Artisti i njohur italian Albano Carrizi ka dhënë një mesazh mirënjohjeje për shqiptarët, që i ka cilësuar njerëz humanë.
Nëpërmjet një video të përcjellë për gazetaren Zenepe Luka, Albano, i cili ka edhe shtetësinë shqiptare, ka deklaruar se “gjesti që Shqipëria bëri për Italinë që dërgoi infermierë e mjekë, është jashtëzakonisht interesant dhe nga ana njerëzore i paharruar, që do të forcojë edhe më shumë lidhjet tona.
Do të forcojë edhe më shumë raportet njerëzore dhe kulturore mes nesh që janë vibrante.
Në momentin kur ky virus i mallkuar duhet të përfundojë, duhet të festojmë së bashku funeralin e këtij virusi që po shkatërron gjysmën e botës në një lloj Lufte të Tretë Botërore.
Duhet ta fitojmë këtë luftë dhe i bëj thirrje popullit shqiptar të rrijë në shtëpi, pasi sa më shumë rrimë në shtëpi ne aq më larg shtëpive tona dhe jetëve tona do të jetë ky virus i mallkuar- korona.
Jam shumë i bindur se ky ankth do të përfundojë dhe gjithashtu shumë shpejt do të këndojmë së bashku këngën “Felicita”.
Albano Carrisi, një nga këngëtarët më të famshëm në vendin e tij, një talent që në vitet 70-80 ka bërë kërdinë në shitjen e disqeve, fitoi festivalin e Sanremo-s me këngën e bujshme “Felicita”, që e këndoi në duet me Romina Power, gruan bukuroshe me të cilën pati suksesin më të madh artistik, por që u ndanë pas tragjedisë familjare të zhdukjes së të bijës Ylenia.
Zhdukje, e cila ndodhi në vitin 1993 në New Orleans të SHBA, së cilës ende nuk i janë gjetur gjyrmët. Mosmarrëveshjet në kërkimet për vajzën sollën divorcin e ҫiftit, nga më të famshmit në Itali për bukurinë dhe aftësinë artistike.
Albano, i cili kishte babanë e tij pjesë e Batalionit “Antonio Gramshi” që kishte luftuar kundër gjermanevë në Shqipëri, ishte një mik i hershëm i vendit tonë.
Ai erdhi në Tiranë pak para rrëzimit të komunizmit, e dha dy koncerte të paharruara në Pallatin e Kongreseve dhe stadiumin “Qemal Stafa” që shërbyen edhe si fllad perëndimor për shqiptarët e rreshkur nën diktaturë.
Albano, ka deklaruar se emrin ja kishte vënë babai në kujtim të Shqipërisë ku kishte mbresa të bukura.
Carrizi pas rënies së komunizmit vjen shpesh në Shqipëri, ku ka marrë edhe shtetësinë dhe e konsideron si atdheun e dytë. Ai shërben edhe si një ambasador ekselent i shqiptarëve në Itali./Pamfleti
Fjala e Al Banos ne vidion pershendetese.E dashur mikja imeZenepe. Dua që të bësh në këtë rast rolin e korrespondentes! Për të thënë se gjesti që ka bërë Shqipëria kundrejt Italisë është me të vërtetë jashtëzakonisht interesant. Edhe i paharrueshëm nga ana humane! Ky gjest do të forcojë edhe më shumë lidhjen humane që ekziston midis Shqipërisë dhe Italisë! Do të forcojë akoma më shumë nga ana kulturore edhe njerëzore, këtë lidhje kaq të fortë që ekziston midis këtyre dy popujve! Edhe do të vijë ai moment kur këtij virusi të mallkuar do t’i vijë fundi.Edhe do të festojmë së bashku funeralin e këtij virusi të mallkuar që po shkatërron gjysmën e botës. Është me të vërtetë në një farë mënyre një Luftë e Tretë Botërore, që ne duhet ta fitojmë. Unë i sugjeroj popullit shqiptar të qëndrojë në shtëpi. Sa më shumë ne të qëndrojmë në shtëpi, aq më të mëdha janë shanset që ky virus të qëndrojë jashtë shtëpive edhe jetëve tona. Jam shumë i bindur që këtij virusi do t’i vijë fundi edhe do të vijë koha që të këndojmë edhe këngën “Felicita”, përse jo. Një përqafim popullit shqiptar, edhe ty Zenepe" Grazie mile, caro amico degli albanesi, grande cantante Al Bano Carrisi. Tuo padre, Carmelo Carrisi e tu che hai anche la cittadinanza albanese, siamo tutti insieme nel bene e in difficoltà; caro amico Al Bano Carrrisi
Posted by Zenepe Luka on Monday, March 30, 2020
Fjala e Al Banos ne vidion pershendetese:
E dashur mikja imeZenepe. Dua që të bësh në këtë rast rolin e korrespondentes! Për të thënë se gjesti që ka bërë Shqipëria kundrejt Italisë është me të vërtetë jashtëzakonisht interesant. Edhe i paharrueshëm nga ana humane! Ky gjest do të forcojë edhe më shumë lidhjen humane që ekziston midis Shqipërisë dhe Italisë!
Do të forcojë akoma më shumë nga ana kulturore edhe njerëzore, këtë lidhje kaq të fortë që ekziston midis këtyre dy popujve! Edhe do të vijë ai moment kur këtij virusi të mallkuar do t’i vijë fundi.Edhe do të festojmë së bashku funeralin e këtij virusi të mallkuar që po shkatërron gjysmën e botës. Është me të vërtetë në një farë mënyre një Luftë e Tretë Botërore, që ne duhet ta fitojmë.
Unë i sugjeroj popullit shqiptar të qëndrojë në shtëpi. Sa më shumë ne të qëndrojmë në shtëpi, aq më të mëdha janë shanset që ky virus të qëndrojë jashtë shtëpive edhe jetëve tona. Jam shumë i bindur që këtij virusi do t’i vijë fundi edhe do të vijë koha që të këndojmë edhe këngën “Felicita”, përse jo. Një përqafim popullit shqiptar, edhe ty Zenepe”
