Një lajm që ngjall shumë dyshime se Presidenti serb Aleksandër Vuçiç mund të jetë infektuar me koronavirusin e ri, vjen sot nga Serbia.
Ministri i Financave i Serbisë, Sinisha Mali dhe presidenti i Dhomës së Tregtisë Serbe, Marko Cadez kanë treguar sot masat e fundit që do të marrin për të shpëtuar ekonominë në Serbi, e cila është goditur nga epidemia e koronavirusit.
Sipas mediave serbe, në fjalën e tij, Mali tha se masat duhej të ishin paraqitur nga presidenti i Serbisë Aleksandar Vuçiç, por aktualisht nuk ndihej mirë nga ana shëndetësore.
“Ky program është dashur të prezantohet nga Presidenti Vuçiq, por ai nuk po ndjehet mirë dhe do t’i drejtohet publikut në 48 orët e ardhshme”, ka thënë Sinisha Mali.
Zyrtarët nuk dhanë asnjë detaj sa i përket gjendjes së Vuçiç dhe sëmundjes që mund të ketë, por në këto kohë pandemia gjithçka që të vjen në mendje është një infektim i mundshëm me COVID-19.
