Prova të reja janë gjetur mesa duket në dosjen e atentatit ndaj prokurorit Arjan Ndoja, ngjarje e ndodhur më 1 nëntor në Shkozet të Durrësit.
Një tjetër person është marrë në pyetje lidhur me plagosjen e trefishte të prokurorit Ndoja, shoferit të tij Andi Maloku dhe mikut Landi Muharremi ( Rrumi).
Prokurorët që po merren me këtë çështje kanë sekuestruar edhe telefonin e kolegut të tyre Ndoja, i cili ndodhet në spitalin e Durrësit në gjendje të mirë.
Po kështu janë sekuestruar edhe telefonat e Muharremit, i njohur me pseudonimin Rrumi dhe shoferit Maloku.
Burime konfidenciale pranë trupës hetimore kanë bërë të ditur se është marrë në pyetje edhe Kejvina Kthella, personazh i njohur i showbiz-it shqiptar, pasi rezulton se ka komunikime të shpeshta me 34-vjeçarin, Redjan Rraja.
Redjan Rraja është personi i vetëm deri tani i vënë në pranga për këtë ngjarje të rëndë.
Ai nuk ka pranuar akuzat por pavarësisht kësaj u la në burg ditën e mërkurë. Hetuesit po ashtu dyshojnë se ditën e ngjarjes, autorët nuk e kanë ndjekur automjetin që përdoren për shkak se nuk i është hapur bagazhi ku kishin lënë shishet me benzine.
Bota
