I ftuar në emisionin “Çim Peka Live”, kreu i Partisë Demokratike, Lulzim Basha ka zbuluar mbrëmjen e sotme se kryeministri Edi Rama ka ndërmend t’i vazhdojë sulmet ndaj tij.
Kryedemokrati tha se sot kryeministri Rama ka dërguar në Kosovë një personazh të Tiranës, emrin e të cilit nuk e ka treguar, për t’i ofruar ose para ose tender një komandanti të UÇK-së në mënyrë që ai të tërhiqte disa fjalë të mira, që i kishte thënë për kryedemokratin Basha.
Sipas kryedemokratit, kjo kërkesë e Ramës ndaj komandantit të UÇK-së i është bërë me qëllim që“të vazhdojmë fushatën ndaj tij”.
Fjala e Bashës:
Doni të dini diçka. Ta bëjmë një lajm të vogël?
Sot ka çuar një personazh të Tiranës tek një nga komandantët e UÇK-së dhe i ka thënë: “Edi Rama ka thënë hap gojën, tender apo lekë tërhiq disa fjalë që ke thënë të mira për Lul Bashën që të vazhdojmë fushatën ndaj tij.
Lulzim Basha tregoi gjithashtu edhe për mënyrën se si do ta menaxhonte ai pasojat e tërmetit, nëse do të ishte Kryeministër. Basha tha se do t’i jepte para në dorë familjeve që ata ta ndërtonin vetë shtëpinë e shembur. Ndërsa për familjet e mbetura në çadra ai do t’i siguronte nga një kontenier me të gjitha kushtet brenda.
