Basha dërgon dy ‘veglat’ e tij për të negociuar me studentët që PD të marrë pjesë në protestë, të rinjtë u bëjnë atë që s’ua priste mendja

Basha dërgon dy ‘veglat’ e tij për të negociuar me studentët që PD të marrë pjesë në protestë, të rinjtë u bëjnë atë që s’ua priste mendja

Dërgata e liderit të opozitës ka argumentuar kërkesën për pjesëmarrje bashkë me studentët në protestë, me faktin se ka qenë pikërisht PD që gjatë gjithë këtyre viteve është shprehur kundër kësaj reforme të deformuar në arsim dhe tarifave të mbingarkuara. Studentët e kanë refuzuar kategorikisht opozitën, duke nënvizuar se kjo protestë është më e thellë dhe jo vetëm kundër qeverisë aktuale, por ndaj gjithë klasës politike që e ka sjellë arsimin në këtë nivel dhe në këtë derenxhe. Shmanget dështimi i protestës, siç ndodhi me Unazën e Re

Lulzim Basha po bën të gjitha pëpjekjet e mundshme për të marrë kontakte me lëvizjen studentore të universiteteve, që dhe PD të jetë pjesë e saj.

Teksa ka parë masivizimin e kësaj proteste të studentëve për tarifat për lëndët e mbartura dhe ato vjetore, përmirësimin e kushteve në konvikte dhe pjesëmarrjen e një përfaqësuesi të studentëve në bordin e administrimit, kreu i PD ka tentuar të përfitojë politikisht, siç ka bërë gjithnjë me kauzat e momentit që i kanë dalë para.

Rasti më i freskët është përzierja deri në shuarje te protesta e banorëve të Unazës së Re, të cilëve po u prishen shtëpitë për të ndërtuar këtë rrugë, ndërkohë që vajtja e Bashës, djalit të Fariut dhe e eksponentëve të tjerë të PD, ka sjellë dështimin e saj.

Pasi ka bërë disa deklarata në mbështetje të studentëve, mësohet se Basha ka dërguar në protestë për të negociuar pjesëmarrjen dhe të PD, kreun e FRPD, Belind Këlliçi, nga njëra anë, me disa përfaqësues të të rinjve demokratë dhe pedagogun Mark Marku, një zë që dëgjohet ndër studentë, në anën tjetër.

Argumenti që kanë përdorur të dërguarit e Bashës për të bindur studentët mësohet se ka qenë fakti se ishte PD ajo që që ka ngritur zërin gjatë gjithë këtyre viteve për reformën e deformuar në arsim dhe tarifat e larta që kanë mbingarkuar studentët.

Por përgjigjia e studentëve ndaj dërgatës së Bashës ka qenë refuzuese e argumentuar me paralajmërimin se as PD dhe asnjë parti politike nuk do të lejohet të përzihet në këtë lëvizje studentore, pasi ata e kanë iniciuar vetë dhe duan ta përfundojnë po vetë.

Për më tepër që kjo protestë është më e thellë dhe jo vetëm kundër qeverisë aktuale, por ndaj gjithë klasës politike që e ka sjellë arsimin në këtë nivel dhe në këtë derenxhe.

Emisarët politikë të Bashës teksa janë refuzuar nga studentët, janë kthyer mbrapsht pa e realizuar qëllimin e tyre, ndërkohë që lëvizja studentore po shënon hap pas hapi sukseset e saj, duke trembur qeverinë dhe duke e zbythur atë./Pamfleti

Loading...

Loading...
WhatsApp Denonco tek Pamfleti