Anti-Mafia12 Dhjetor 2018, 15:25

Bashkim Ulaj, dosje false dhe 26 firma hije, ja shkresa që provon, se ka “folur” me të vdekurit, për 9 HEC-et e Valbonës

Shkruar nga Pamfleti

Bashkim Ulaj, dosje false dhe 26 firma hije, ja shkresa që provon, se ka “folur” me të vdekurit, për 9 HEC-et e Valbonës

Nis shkërrmoqja e “perandorisë” së krimit ekonomik-financiar Berisha, Rama, Metaj, që fshihet pas firmës “Gener-2”, SHBA  nëpërmjet të cilës, prej 20 vitesh po zhvasin pasuritë dhe financat kombëtare, duke e përdorur, si mjet pasurimi e pastrimi parash të korrupsionit dhe trafiqeve, në vijim fakte të reja, për lojën që bënë me “kasnecët” e tij familjarë, të qeverisë e të botës së krimit

Nuk është rastësi dhe as “gabim njerëzor”, fakti që kryemafiozi me maskë “biznesmen”, Bashkim Ulaj, nëpërmjet firmës fantazmë “DH-Albania”, me urdhër të Ramës e mbikëqyrje të Damian Gjiknurit, u pranua me letra false e iu dha, Loti i Parë 18 milionë euro në tenderin Unaza e Re dhe 12 milionë euro nga Klodian Gradeci, në tenderin e OST.


Për të rejat më të fundit behuni pjesë e grupit tonë VIRAL në facebook : PAMFLETI
Firma “Gener-2” e oligarkut Bashkim Ulaj, ose “banka lavatriçe” e familjeve Berisha, Rama, Metaj, ka “përvojë“ 20 vjeçare në Shqipëri, për marrje trojesh, pyjesh, HEC-esh, rrugësh e deri tendera ushqimi presidencial, me dokumente të falsifikuara shtetërore e komunitare, të cilat i janë pranuar si pazar paraprak, nga ministrat e tyre Bode, Ruli, Olldashi, Dervishaj, Naço, Mima, Prifti, Haxhinasto, Ikonomi, Ahmetaj e Gjiknuri.

Përveç letrave false, për firmën “DH Albania”, sektori i luftës kundër krimit ekonomik-financiar, nën presionin e SHBA, ka nisur hetimi në “themel”, për aktivitetin e firmës “Gener-2” dhe për 26 firmat fantazma, që ka hapur në Shqipëri, Mali i Zi, Maqedoni, Greqi, Qipro, Kosovë, Bullgari, Turqi e SHBA, Bosnjë e Kroaci, të cilat Bashkim Ulaj, i përdor si rivale fiktive, në tenderët që zhvat, me “Kasnecët” e tij familjarë.  .

Hetimi ka nisur nga Fabrika e Çimentos në Fushë-Krujë, ku Ulaj ka përlarë 238 hektarë sipëfaqe pyje e gurore, duke i bërë pronë të tij pa asnjë qindarkë pagesë, me vendime të qeverisë Berisha-Metaj, si dhe me dosjet false, të 9 HEC-ve në Valbonë, me kontratë të datës 27 korrik 2009, sipas vendimit “Berisha”, të datës 7.11.2007, finalizuar me VKM nr. 680, datë 15.08.2013.

Nga hapja e kësaj dosjeve, ka dalë dokumenti fals, që Bashkim Ulaj ka pëdorur në tenderin e koncesionit të 9 HEC-ve në Valbonë, sikur gjoja ka marrë miratimin e banorëve, pro që në listë figurojnë persona të vdekur 13 vjet para koncesionit dhe firma false të gjallësh.

Sipas Direktivës Mjedisore të BE, pa miratimin shkresor e noterial të banorëve të zonës Valbonë, për lejimin e ndërtimit të HEC-ve, nuk miratohet VKM-ja e për rrjedhojë, nuk firmoset as kontrata koncesionare.

Mirëpo ky dokument bazë, u bë si “i rregullt”, mbasi Ulaj, nipërit dhe sekserët tij, kanë lidhje me 11 zyra noteriale në Shqipëri, të cilat certifikojnë dokumente false, të grupeve mafioze (do publikojmë një investigim special për këto zyra).

Mafiozi Bashkim Ulaj, si financues i miliona eurove, për familjet Berisha-Metaj, prej 5 vitesh edhe për familjet Rama-Basha, ka falsifikuar firmat dhe deklarimin zyrtar të banorëve, ndërsa qeveria, me vetëdije, ia ka pranuar si “të rregullt” e i ka dhënë koncesionin.

Është e njëjta skemë, siç vepruan me vetëdije edhe Edi Rama e Damian Gjiknuri, të cilët, i pranuan Bashkim Ulajt, letra false edhe amerikane, në tenderat 30 milionë euro tek Unaza e Re dhe OST, të përlara nëpërmjet firmës fantazmë “DH Albania”.

Sot po publikojnë skandalin e parë zyrtar, që gjendet në dosjen hetimore të firmës “Gener-2”, një dokument zyrtar i falsifikuar, me datë 27.09.2013 e pa numër protokolli, firmosur e vulosur, nga nipi i tij Andri Kasneci sot drejtor i “TV-HEC-A2”, administrator i firmës “Valbona Projekt Company shpk”, me të cilin kryemafiozi Bashkim Ulaj, ka marrë koncesionin e 9 HEC-ve në lumin Valbonë.

Në vijim do të mësoni, se cilat janë 26 firmat fantazma dhe firmat aktive shqiptare, me administratorë e pronarë “kasnesër, gjikuri, babasër, beso, hysa, viktoria, lulra, biba” e shumë të tjerë, që Bashkim Ulaj i përdor në tendera e koncesione, si rivalë fiktiv e si rivalë sa për numër, me oferta zero lekë. (Vijon)./Pamfleti

Anti-Mafia Bashkim Ulaj dosje false dhe 26 firma hije ja shkresa që provon për 9 HEC-et e Valbonës se ka “folur” me të vdekurit