Zgjedhje e vjedhje/ Justifikimi për këtë Pazar, po maskohet me gjoja ndërtimin e parkingut nëntokësor për 150 mjete e mbjellje pemësh; mbasi në projektin e vitit 2014-2015, ishte “harruar” hapësira e blertë, ndërsa ndërtimet do t’i kryej firma “Agi Kons” e shefes së dosjeve, Gentiana Sulaj, përzgjedhur nga babloku, por në ortakëri me firmën “Salillari”
Para tre ditësh, kryeministri Rama ka inaguruar shkatërrimin e sheshit qendror të Beratit, tashmë i kthyer në gërmadhë, sepse sipas bablokut dhe me një tenderi të përshpejtuar nga drejtori Dritan Agolli i FSHZH, do rindërtohet një pedonale e re.
Ka zëra që thonë se është investim elektral për votat e 25 prillit, por faktikisht është pazar i bërë mes kryeministrit dhe ndërtueses Gentiana Sulaj, të firmës “Agi Kons”, të rezidencës “Kodra e Diellit” dhe shefe e dosjeve të spiunëve, por me n/kontaktim nga “Salillari”.
E themi këtë, pasi në vitet 2014-2015, sheshi i Beratit është ndërtuar krejt i ri, si pedonale me beton e pllaka guri, kundrejt vlerës 3.5 milionë Euro; përuruar nga Edi Rama, me këto 2 faza: 60% e punimeve para zgjedhjeve 2015, ndërsa 40% e punimeve para zgjedhjeve 2017.
Tani që jemi 3 muaj para zgjedhjeve, ose më sakt 3 vite pas përfundimit total të punimeve; babloku i ka vënë përsëri ruspat sheshit qendror të Beratit; me justifikimin se do rindërtojë një pedonale moderne.
Mirëpo mashtrimin e bablokut e ka nxjerr drejtori Dritan Agolli i FSHZH, i cili në arsyet e rindërtimit, thotë se sheshi ka pësuar degradime të shumta ndryshme përgjatë viteve (3 vite, por ishte me garanci 10 vite), për shkak të cilësisë së dobët të punimeve.
Komike është arsyeja, se gjoja 2 firmat që e kanë ndërtuar para 3-4 vitesh, kanë harruar hapësirat e blerta; dhe qytetarët janë ankuar tek “e-albania”, se në sheshin pa pemë, digjeshin prej nxehtësisë gurit dhe nuk e frekuentonin.
Në fakt, kemi të bëjmë me “nxehtësi” korrupsioni e “qokë” klienteliste në vlerë 3.9 milionë Euro vetëm për parkingun dhe rishtrimin e sheshit me pllakat që po hiqen.
Po kështu, do hidhen edhe 7 milionë Euro të tjera, për gjoja rrugicat lidhëse me sheshin e do përfundojnë në muajin dhjetor 2022; që në fakt do shërbejnë si fushatë votash për 25 prillin, në formë karshillëku ndaj “beut” të zonës, Ilir Meta./Pamfleti
