Gazetari i CNN, Jim Acosta, i cili pati një përballje me Presidentin Trump, do të rikthehet në Shtëpinë e Bardhë. Vendimi u mor nga gjykatësi federal, Timothy Kelly, ndërsa CNN kishte hedhur në gjyq Shtëpinë e Bardhë.
Ata kërkonin kthimin e menjëhershëm të kredencialeve të shtypit për gazetarin, gjë që tashmë është realizuar. Kujtojmë se pak kohë më parë Trump u revoltua tej mase me gazetarin në lidhje me një pyetje që ai i bëri rreth emigrantëve në kufi me Meksikën.
Ai madje e quajti gazetarin si një “lajm të rremë”, duke i hequr edhe të drejtën e fjalës. Po me sa duket ai do të duhet të durojë Acostën, pasi gazetari do të jetë përballë Trump-it sërish.