Një specie e re buburreci, e zbuluar në dhjetor në Meksikë, është quajtur zyrtarisht Trump, për shkak të jashtëqitjes së tepërt që prodhon çdo ditë.
Profesoresha e biologjisë pranë Universitetit të Meksikës (UNAM), Ph.D. Jorgina Franco Jimenez, regjistroi zyrtarisht specien të martën, duke e quajtur Blatella Trumpis apo në shqip: buburreci Trump.
Biologia thotë se Buburreci i vuri vetë emrin vetes, teksa e vëzhgonin kur u kap në dhjetor në veri të shtetit të Chihuahua.
“Kur ne po e vëzhgonim se si sillej, buburreci ishte thuajse ‘i pa ngordhshëm’ dhe prodhon jashtëqitje thuajse pesë herë më shumë se pesha e vet trupore, ndaj emri i parë që na erdhi në mendje ishte Trump.”
Profesoresha Jimenez e përshkroi specien e re të buburrecave si të pangopur në mes të 4.600 specieve të reja të buburrecëve.
“Ai e shpenzon kohën e vet duke gëlltitur thuajse gjithçka, përfshirë mbeturina toksike e madje edhe vëllezërit e tij. Kjo i bën ata shumë helmues. Ne kemi zbuluar deri në 44 patogjene në një individ të vetëm.”
Profesoresha Jimenez tha se do duhen më shumë kërkime për të vendosur rolin e buburrecit Trump në ekosistem, duke shtuar se sjellja e tij kanibaleske dhe niveli i helmimit me shumë mundësi e zvogëlon rëndësinë e tij në zinxhirin ushqimor.
Mendohet se 15 milion specie të ndryshme jetojnë në planetin tonë, por vetëm 2 milion prej tyre janë të njohur nga shkenca dhe specie të ndryshme zbulohen thuajse çdo vit.
Vetëm në 2020, u zbuluan 17 specie të reja merimange, 23 insekte, një shumëkëmbësh dhe një hardhucë vëzhguese, sipas Komisionit Ndërkombëtar të Nomeklaturës Zoologjike (ICZN).
Buburreci Trump ishte specia e vetme e regjistruar në Amerikën Veriore këtë vit, ku gjetjet më të shpeshta vijnë nga Amazona, Afrika dhe India. /Përshtati: A.H
(Në foto profesoresha Jimenez)
