Bota17 Shtator 2019, 17:24

Boris Johnson dhe Merkel: Sulmet në rafineritë e naftës në Arabinë Saudite kërkojnë përgjigje ndërkombëtare

Shkruar nga Pamfleti
Boris Johnson dhe Merkel: Sulmet në rafineritë e naftës në

Boris Johnson dhe Merkel: Sulmet në rafineritë e naftës në Arabinë Saudite kërkojnë përgjigje ndërkombëtare

Kryeministri britanik, Boris Johnson dhe kancelarja gjermane, Angela Merkel, ranë dakord se duhet të punojnë me partnerët ndërkombëtarë, për të ndërmarrë një përgjigje të përbashkët ndaj sulmeve në objektet e naftës në Arabinë Saudite.

Të dy liderët gjithashtu ranë dakord se ekziston nevoja për shtensionimin e situatës në rajon, si dhe u angazhuan për një qasje të përbashkët ndaj Iranit, vend ky i cili është fajësuar nga presidenti i SHBA-së, Donald Trump, për sulmin ndaj objekteve saudite të naftës.

Irani ka mohuar përfshirjen në sulmet ajrore që kanë ndodhur të shtunën, të cilat është pretenduar të jenë kryer nga rebelët Huthi në Jemen, që janë të lidhur me Iranin.

Disa zyrtarë amerikanë kanë thënë për mediat ndërkombëtare se drejtimi dhe madhësia e sulmit ngre dyshime për përfshirjen e rebelëve Huthi.

Ky incident ka zvogëluar furnizimet me naftë për 5%, çka ka ndikuar në rritje të çmimeve./REL

Bota Angela Merkel Boris Johnson kancelarja gjermane kryeministri britanik sulmet në rafineritë e naftës në Arabinë Saudite