PËRGJIGJA PËR TETORIN KA ARDHUR, PAS 40 DITËSH DEL NË SHESH/ “Postieri diplomatik” Gent Cakaj, i ka sjellë shefit të tij Edi Rama, vendimin përfundimtar të Këshillit të Europës, për mos hapjen e negociatave në muajin tetor 2019, mbasi situata politike, shtetërore, ekonomike, drejtësisë dhë sigurisë në Shqipëri, është me keq se në periudhën 1998-2000; kriza po thellohet, politika shqiptare e ka kthyer “timonin” nga Lindja, duke i devijuar dhe larguar strategjisë së BE-SHBA
Megjithëse po afron tetori i vendimit të negociatave me BE, “Zyloja” i qeverisë dhe “demkët” e tij ministra, deputetë e analistë të paguar ilegalisht prej pushtetit; nuk po u bien “dajreve” të hapjes së negociatave; siç deklaruan në vapën e qershorit e siç kanë deklaruar, në 5 qershorët dhe tetorët e kaluar, kur kanë thënë në mënyrë qesharake: – “Është miratuar hapja e negociatave; do na njoftojnë datën, muajin, vitin”!
Por, as data, as muaji dhe as viti i hapjes së negociatave, nuk po duken gjëkundi e siç janë “shenjat” e punëve të kësaj qeverie dhe bashkërisht, të kësaj politike “monstër” krimi, korrupsioni e shkatërrimi; nuk do ketë hapje negociatash as për 4-5 vite të tjerë, paçka se Shqipëria ka nisur negociatat e pranimit në BE para 20 vitesh, paralelisht me Rumaninë e Bullgarinë dhe 7 vite para Kroacisë.
Sipas informacionit, “gojën ua ka kyçur” një “zarf i zi”, që postieri diplomatik i Shqipërisë, Gent Cakaj ia ka sjellë shefit kryerministër, si mesazh të prerë e të qartë të dërguar nga Brukseli; me të cilin i njoftohet paraprakisht, vendimi i formës së prerë i Këshillit të Europës (KiE), për mos hapje niogaciatash, as në në këtë tetor.
Ndaj Edi Rama dhe çeta e tij e mbytur në korrupsion, krime e degjenerim të çdo lloji; ka heshtur e nuk po flet për hapje negociatash në muajin tetor, mbasi e di që ato nuk do të hapen; ndërkohë që po mendojnë si ta justifikojnë këtë dështim të tyre e ndëshkim nga KiE; që ka shkak aktivitetin e qëndrimin anti-BE, të bandës qeveritare “rilindja” dhe të krejt politikës shqiptare, si vazhdimësi e ish-qeverive kriminale të PD-LSI.
Prej 1 jave qyshkur i është dërguar “zarfi i zi”; Edi Rama po mundohet ta mbajë të fshehtë, por siç thotë populli, e vërteta do dalë në shesh pas 40 ditësh dhe atëherë; shqiptarët do njihen me 10 pengesat e mos hapjes së negociatave as në në këtë tetor të 6-të pushtetit “Rama-Linda”; të cilat redaksia “PAMFLETI”, i ka siguruar dhe po i publikon, siç i janë dorëzuar “posterit diplomatik” Gent Cakaj:
Ja 10 shkaqet e mos-hapjes së negociatave, dërguar dhe presidentit të opozitës, Ilir Meta, i cili “çuditërisht” nuk po i bën publike
Kujtojmë, se këto 10 probleme ç’integruese që ka krijuar, po agravon më tepër e po mban pezull kryeministri Rama, në bashkëveprim me Berishën, Metën e Bashën; janë pasqyruar dhe në raportin e mos-hapjes së negociatave në muajin qershor 2019; por jo të thëna kaq troç e ashpër nga KiE; provë; që tregon, se pushteti “rilindja” dhe krejt politika shqiptare aktuale, janë “kartë e djegur” dhe e pabesueshme./Pamfleti