Përfundon supersfida e javës së 28 në Premier Ligë. Që pas ardhjes në pankinë të Tomas Tuhel, Çelsi nuk njeh asnjë humbje, teksa mbrëmjen e sotme, Blutë e Londrës kanë mundur me rezultatin e pastër 2-0 ekipin e Evertonit.
Për të rejat më të fundit behuni pjesë e grupit tonë VIRAL në facebook : PAMFLETI
Takimi u zhbllokua në minutën e 31 nga një autogol i Gofrej. Evertoni deri më tani ka shënuar 53 autogola në Premier Ligë, shtatë më shumë se çdo skuadër tjetër në historinë e kampionatit anglez.
Në minutën e 65, Zhorzhinjo dyfishoi shifrat dhe realizoi golin e qetësisë për Çelsin nga pika e bardhë e penalltisë.
Me këtë fitore, Çelsi renditet në vendin e 4 me 50 pikë, ndërsa Evertoni mban vendin e 5 me 46 pikë.
