Bota16 Korrik 2019, 14:15

Çfarë tha Macron për Kosovën që nuk u transmetua në mediat serbe

Shkruar nga Pamfleti
Çfarë tha Macron për Kosovën që nuk u transmetua

Çfarë tha Macron për Kosovën që nuk u transmetua në mediat serbe

Asnjë nga gazetat ditore të Serbisë nuk e kanë shënuar deklaratën e presidentit të Francës gjatë vizitës në Beograd, Emmanuel Macron, i cili u shpreh se “Serbia dhe Kosova janë shtete fqinje europiane” dhe se Serbia duhet të ndihmojë që kjo të bëhet realitet, ndërsa për këtë nuk ka reaguar as kreu shtetëror, citon sot “Danas” i Beogradit deputetin e pavarur Gjorgje Vukadinoviç.

Sipas tij, gazetat nuk e kanë transmetuar këtë deklaratë me siguri nga dëshira që të mos cenohen marrëdhëniet e mira dhe atmosfera pozitive në lidhje me vizitën, transmeton Koha.net.

Pasi këtë shmangie citimi të deklaratës së Macronit e ka cilësuar “censurë të dëmshme”, ai ka kritikuar Ministrinë e Jashtme që nuk ka reaguar “me mirësjellje e kulturë”, duke ia tërhequr vërejtjen e ambasadorit francez se “Kosova nuk është fqinje e Serbisë”…

Deputeti Vukadinoviç kishte pritur që Macron t’i kërkonte falje Vuçiqit, për trajtimin përbuzës të tij në Paris muaj më parë, ndërsa e kritikoi që rastin e raportove Kosovë-Serbi i kontekstualizoi me raportet Francë –Gjermani./Koha.net

Rajoni deputeti i pavarur emmanuel Macron Gjorgje Vukadinoviç presidenti i Francës