Përfundon derbi i Serisë A mes Lacios dhe Romës. Ndeshja e javës së 18 mes këtyre dy skuadrave është mbyllur me fitoren e pastër të të kaltërve me rezultatin 3-0. Skuadra e Simone Inzagit zhbllokoi shifrat me Çiro Imobile në minutën e 14. Ky i fundit ndërhyri, por topi përfundoi te sulmuesi Italian, që mposhti portierin Reina.
9 minuta më vonë, Lacio dyfishoi shifrat. Ibanez sërish i përgjumur dhe më pas i dha mundësi Lazarit t’i vidhte topin. Arbitri u bë gati për të vërshëllyer penallti, pasi pati pengim nga braziliani te italiani, por gjyqtari lejoi vazhdimin e aksionit dhe Luis Alberto realizoi edhe golin e dytë.
Në minutën e 68, Luis Alberto realizoi golin e tretë për Lacion dhe të dytin personal. Mbrojtësi fitoi hapësirë, shërbeu për Akpa Akpro në krah dhe ky i fundit krosoi në qendër ku përpara zone ndodhej Luis Alberto që me teknikë mposhti Pau Lopez.
Me këtë fitore, Lacio njgjitet në vendin e 5 me 31 pikë, ndërsa Roma mban vendin e 3 me 34 pikë.
