Mesfushori brazilian Fred ishte blerja rekord e Manchester United në merkaton e verës. Për të u derdhën plot 60 milionë euro në arkat e ukrainasve të Shaktar Donetsk.
Braziliani jo vetëm që nuk ka mundur të sigurojë minuta të mjaftueshme, por në takimet e fundit ai nuk ka qenë as në stolin e “djajve të kuq” duke humbur vendin dhe në kombëtaren e Brazilit.
Ditën e sotme media britanike “The Sun”, ka siguruar foto të një takimi midis Fred dhe agjentit të tij, ku është diskutuar mbi të ardhmen e lojtarit. Vendimin përfundimtar e jep Jose Mourinho.