Bota 1 Shtator 2019, 09:17

Detajet e sulmit në Teksas, si u arrit deri te vrasja e 5 personave

Shkruar nga Pamfleti
Detajet e sulmit në Teksas, si u arrit deri te vrasja e 5 personave

Detajet e sulmit në Teksas, si u arrit deri te vrasja e 5 personave

Autoritetet amerikane kanë bërë të ditur se incidenti nga i cili mbetën pesë të vdekur dhe 21 të plagosur në Teksas ka ndodhur rreth orës 3:17 të pasdites, kur një zyrtar i sigurisë publike në Teksas ndaloi një veturë Honda, pasi shoferi nuk kishte ndezur sinjalet.

Siç shkruajnë mediat e huaja para se automjeti të ndalonte plotësisht, shoferi “drejtoi një pushkë në drejtim të dritares së pasme të makinës së tij dhe gjuajti disa herë” drejt makinës patrulluese, pas së cilës personi i armatosur iku “dhe vazhdoi të qëllonte njerëz të pafajshëm”.

Nga shkëmbimi i parë i të shtënave thuhet se të paktën tre oficerë u plagosën.

Por incidenti nuk ka mbaruar me kaq.

Më pas thuhet se i dyshuari vodhi një kamion dhe vazhdoi të qëllojë, nga të shtënat e të cilit mbetën të vdekur 5 persona dhe 21 të tjerë të plagosur.

Policia e përshkroi sulmuesin si një njeri të bardhë në mesin e viteve ’30.

Sipas mediave të huaja, kjo ishte ngjarja e dytë me të shtëna në Teksas gjatë një muaji. Më 3 gusht një njeri i armatosur vrau 22 njerëz dhe plagosi 24 të tjerë në një Walmart në El Paso./Telegrafi

Bota autoritetet amerikanae sulmi në Teksas vrasja e 5 personave