Mediat maqedonase shkruajnë se shkak i krimit makabër ka qenë një konflikt për pronat, ndërsa autori i vrasjes ishte burri i motrës dhe njihej si person konfliktual.
Detaje rrëqethëse janë zbardhur nga ekzekutimi i tre tre familjarëve në shtëpinë e tyre në Dibër. Mësohet se ngjarja ka ndodhur në Dibër të Madhe, ku autor i krimit është shtetasi R. F., i cili është dhëndërr i viktimave.
Mediat maqedonase shkruajnë se shkak i krimit makabër ka qenë një konflikt për pronat, ndërsa autori i vrasjes ishte burri i motrës dhe njihej si person konfliktual. Pak ditë më parë, ai kishte pasur një sherr me vjehrrit, ndërsa mbrëmë i ka ekzekutuar së bashku me vajzën e tyre. Bëhet e ditur se shkak i sherrit ka qenë një rrugicë që lidhte banesat e dy familjeve.
Autori, ashtu si edhe familjarët e ekzekutuar kishte ardhur në Dibër nga Italia për pushime. E ndërsa trupat janë dërguar në morgun e qytetit të Dibrës së Madhe, policia vijon kërkimet për arrestimin e autorit. Të vdekur kanë mbetur shtetasit Amid Pocesta, 55 vjeç, bashkëshortja e tij, Nazmije Pocesta, 53 vjeç, si dhe vajza e tyre, Anila Pocesta, 14 vjeçe.