Lajme të shumta rreth ndarjes nga jeta të Maradonës vazhdojnë edhe pas varrimit të tij. Sipas gazetës së famshme argjentinase “Clarin” futbollisti Diego Maradona u varros pa zemër.
Në shkrimin e saj, shkruhet se gjatë autopsisë, mjekët vunë re se zemra e tij ishte më e madhe nga sa duhej të ishte, kështu që ata hoqën organin në marrëveshje me familjen, në mënyrë që të bënin ekzaminime shtesë rreth shkaqet që e cuan në humbjen e jetës
“Zemra e Diegos u mor dhe u ruajt për të bërë ekzaminime të hollësishme, sepse doli të ishte dy herë më e madhe se zakonisht”, shkruan gazeta argjentinase, duke cituar burime pranë hetimit.
Kujtojmë, pesë patologë përcaktuan se ishte insuficiencë kardiake ajo që i shkaktoi vdekjen Maradonës pasi problem në zemër e çoi në edemë akute të mushkërive, e cila më pas shkaktoi një rezultat fatal. Sidoqoftë, në atë kohë nuk u njoftua se gjatë autopsisë, ata vendosën që zemra e Maradonës ishte jashtë përmasave normale.
