Bamir Topi jep dorëheqje nga drejtimi i partisë Fryma e Re Demokratike, një ditë pas firmosjes së marrëveshjes për koalicionin “Aleanca për Ndryshim” me kreun e PD Lulzim Basha për të hyrë bashkë në zgjedhjet e 25 prillit.
Në shprehje të vullnetit TIM, deklaroj dorëheqjen në mënyrë të menjëhershme dhe të parevokueshme, nga detyra e Kryetarit të Partisë “Fryma e re Demokratike”, thuhet në letrën e dorëheqjes.
I dërguari i FRD-së, Sali Shehu, nuk pranoi të firmoste menjëherë, por ai u njoh me marrëveshjen dhe më pas u largua për t’u kthyer në limitet kohore të afatit.
Marrëveshja mes tyre është firmosur pas orës 23:30 të mbrëmjes së djeshme pa miratimin e Bamir Topit.
Aktiviteti politik i Bamir Topit daton që me fillimet e lëvizjes demokratike në vitin 1990. Në vitin 1996 zgjidhet për herë të parë deputet i Kuvendit të Shqipërisë dhe emërohet Ministër i Bujqësisë dhe Ushqimit deri në vitin 1997 kur Partia Demokratike kalon në opozitë. Në tri Legjislatura është zgjedhur deputet i Kuvendit të Shqipërisë nga radhët e Partisë Demokratike të Shqipërisë. Dy herë është zgjedhur kryetar i Grupit Parlamentar të PD-së.
Në dy mandate është zgjedhur nënkryetar i PD-së. Gjatë gjithë aktivitetit të tij politik dhe publik, Z. Topi ka spikatur duke u vlerësuar gjërësisht si një politikan me profil të moderuar, mjaft aktiv në zgjidhjen e krizave politike mes pozitës e opozitës dhe protagonist i marrëveshjeve politike e i nismave të ndryshme parlamentare. Në vitin 2007, gjatë negociatave për zgjedhjen e presidentit me konsensus midis pozitës dhe opozitës, Bamir Topi nuk pranoi që emri i tij të diskutohej në këto negociata. Më 20 korrik 2007 pas katër raundesh votimi Bamir Topi u zgjodh President i Shqipërisë.
Në vitin 2011, pas ngjarjes së 21 Janarit, ku mbetën të vrarë 4 protestues, mes Bamir Topit President dhe Sali Berishës Kyeministër pati një sërë përplasjes mes tyre.
Më 8 shtator 2012, Bamir Topi merr kryesinë e partisë së ‘Fryma e re Demokratike.
