Rasti “Gjici” është prova e qartë, që tregon se kur pushtetin e marrin në dorë “çakejt” e tenderëve me lidhje në kupolën qeveritare; nuk është aspak çudi, që fondet e investimeve, pasuritë dhe taksat e komunitetit, zhvaten lirshëm e hapur me vendime zyrtare
Emërimi i Safet Gjicit në krye të Bashkisë-Kukës, nuk ka asnjë lidhje me zgjidhjen e halleve të shumta të komunitetit; por me interesa personale, të cilat i ka të lidhura fort me miqë, klientë e ortakë të biznesit të tij.
Katër vendimet, që po publikojmë sot, janë prova e plotë, që tregojnë se për të realizuar skemat e tij përfituese e zhvatëse të pasurive e taksave të kuksianëve, Safet Gjici po përdor Këshillin Bashkiak; i cili i miraton me 100% të votave çdo kërkesë të paraqitur prej tij.
Me këto vendime bashkie, Safet Gjici ka hequr nga fondi pasuror i Bashkisë-Kukës, sipërfaqen 39 hektarë pyje e toka dhe ua ka dhuruar katër bizneseve, që sipas të dhënave zyrtare, janë bashkëpunues në tendera e transaksione më të.
Ja faktet konkrete
– VENDIM nr. 54, datë 24.12.2019, me të cilin, Safet Gjici ka hequr nga pasuria komunitare e Bashkisë Kukës, 5000 m2 pyll e ia ka dhuruar firmës “Salillari”, për ngritje nyje prodhim betoni dhe nxjerrje e depozitim interte guri.
Kjo pasuri, nuk është dhënë me ankand e qira siç e detyron ligji, por me vendim të kryebashkiakut Gjici e miratim të Këshillit Bashkiak; madje pa asnjë detyrim financiar në arkën e bashkisë e me afat mbi 30 vjet.
– VENDIM nr. 121, datë 22.05.2020, me të cilin, Safet Gjici ka hequr nga pasuria komunitare e Bashkisë Kukës, 6250 m2 pyll dhe ia ka dhuruar fimës “Palushi shpk”, si sipërfaqe për ushtrim biznesesh që ka kjo firmë.
– VENDIM nr. 124, datë 22.05.2020, me të cilin, Safet Gjici ka hequr nga pasuria komunitare e Bashkisë Kukës, 36.5 ha pyll e kullotë dhe ia ka dhuruar firmës “Nika-BL Shpk”, për biznes nxjerrje hekur-nikeli,
Ia ka dhënë pa ankand e pa detyrime financiare në bashki, me afat deri kur të shfrytëzojë krejt sipërfaqen, kur siç dihet, lejet minerare i jep vetëm Ministria e Energji-Infrakstrukturës e i zbaton AKBN; mirëpo siç kuptohet, pronar në Kukës është Safeti.
– VENDIM nr. 125, datë 22.05.2020, me të cilin, Safet Gjici ka hequr nga pasuria komunitare e Bashkisë Kukës 9100 m2 pyll e kullotë; dhe ia ka dhuruar dy fimave “EFP shpk” e “AR-ZA Group”, si shtesë hapësire për “HEC-Kalis”, kur bashkia nuk ka asnjë të drejtë ligjore për akte të tilla.
Ndër vendimet që ka firmosur Safet Gjici, në 14 muaj të detyrës si kryebashkiak; në funksion të komunitetit, janë vetëm dhënie e pagesave sociale, ndërsa të tjerët janë pazare klienteliste me tendera ndërtimorë që i marrin firmat e miqve./Pamfleti
