Presidenti i UEFA-s, Aleksandër Ceferin, paralajmëron instalimin e sistemit të verifikimit që u vjen në ndihmë gjyqtarëve të futbollit (VAR) në Champions League duke nisur nga viti 2019. Por ai ka kujtuar se nuk duhet nxitim për këtë. “Championsi është si një Ferrari, nuk mund ta ngasësh menjëherë, duhen prova, dhe të gjithë duhet të kuptojnë si funksionon”.
Në fakt, Aleksandër Ceferin zgjedh një metaforë automobilistike për të shpjeguar se përse për Uefan është shpejt për të implementuar Varin. “Kjo nuk do të thotë se Var nuk do të futet kurrë, një ditë do ta kemi në Champions, por nuk ka ngut. Realisht në sezonin 2019-2020 mund të kemi moviolën në fushë në Champions dhe në Europian”, u shpeh ai.
Një deklaratë kjo e Presidentit të UEFA-s që konfirmon frikën se është ende herët për VAR-in me Ceferin që konfirmon se të njëjtin shqetësim ndan edhe për Botërorin e kësaj vere ku do të aplikohet moviola në fushë. “Druhem disi për Botërorin, ku do të kemi arbitra që nuk kanë drejtuar kurrë me ndihmën e VAR. Shpresoj që të mos ndodhin skandale apo probleme. Por në një turne të vetëm është më e thjeshtë, sic është më e thjeshtë në një kampionat ku janë të gjithë arbitrat italianë, ose gjermanë. Edhe Premier League e shtyu aplikimin e VAR, dhe Championsi është ndryshe”.
Slloveni foli edhe në lidhje me vendimin e arbitrit Oliver që shkaktoi deklaratat e fortë të Xhixhi Bufon. “Ajo që tha nuk është e drejtë, nuk duhet. Por nga këndvështrimi i atij që ka luajtur, e kuptoj kuptoj zhgënjimin e atij që humbet një ndeshje me penallti në minutën e 93-të, pasi ndihesh që rasti të ka ikur nga duart. Bufon në këtë aspekt mund të kuptohet”, shtoi Ceferin.
Mbështetje ndërkohë për Kolinën, përzgjedhësin e arbitrave të UEFA-s, i cili u akuzua nga Presidenti i Juventusit Andrea Anjeli. “Fola menjëherë me Andrean dhe e di që gjithsesi veproi si xhentëlmen që është. Nuk fyeu askënd dhe nuk u tregua agresiv. Kishte të njëjtin irritim me Bufon dhe edhe pse është President nuk mund ti fshihte emocionet”, përfundoi Ceferin.
Duket qartë që debate që shpërtheu pas penalltisë që gjyqtari anglez Majkëll Oliver akordoi për Realin e Madridit ka shkaktuar tërmet në institucionet vendimarrëse, pasi ishte rast i diskutueshëm që vështirë se zgjidhet edhe me VAR.Gjithsesi, kjo ka shërbyer që të mendohets eriozisht që sistemi ndhimës i arbitrave të futet në funksion në Champions në vitin 2019. /Pamfleti Sport
