Është përzgjedhur sot trupa gjykuese që do të shqyrtojë dosjen e ish-ministrit të Brendshëm, Saimir Tahiri.
Janë zgjedhur tre gjyqtarë nga Krimet e Rënda, të cilët do të kenë në dorë fatin e ish-ministrit, dhe që janë Ardit Mustafai, Flora Hajredinaj dhe Irena Gjoka.
Gjykata e Krimeve të Rënda rrëzoi më 26 mars kërkesën për pushim të çështjes dhe vendosi të dërgojë për gjykim ish-ministrin.
Tahiri do të përballet në gjyq me dy akuza, atë të trafikimit të narkotikëve të kryer në bashkëpunim si dhe korrupsionin pasiv të funksionarëve të lartë shtetëror.