Institucionet ligjzbatuese janë zgjuar dhe po monitorojnë aferën mes Erion Veliajt dhe Sadri Abazit me tenderin për pastrimin e Tiranës. Drejt burgut Arbër Abazi, Mazniku dhe anëtarët e Komisionit të Vlerësimit të Ofertave, pazari është përcaktuar që në 2020, gara formale, kompania e Sadriut është përcaktuar fituese një vit para
Në këto momente, brenda mureve të Bashkisë së Tiranës po konsumohet një krim i rëndë financiar, me Erion Veliajn dhe Sadri Abazin në prapaskenë, ndërsa duart në krim i kanë futur anëtarët e Komisionit të Vlerësimit të Ofertave në Bashkinë e Tiranës, nënkryetari i bashkisë Arbjan Mazniku pjesë e skandalit të darkës së Dubait dhe që e mbajnë në ‘ajër’ qentë e tenderave dhe drejtorët përkatës.
Që në 2020, Veliaj dhe Sadri Abazi, një prej deputetëve më mediokër dhe grabitqar në historinë e pluralizmit në Shqipëri, kanë arritur pazarin, sipas të cilit Sadriu do të marrë tenderin për pastrimin e Tiranës, zona III, me vlerë 8 milionë USD. Sadriu do të marrë tenderin përmes nipit të tij, Arbër Abazi, i cili qëndron pas kompanisë Alko-Impex.
Pazari i arritur që në vitin 2020, dhe i denoncuar nga “Pamfleti” që në dhjetor të vitit të kaluar, parashikon që Arbër Abazi të paraqesë një ofertë gati sa fondi limit, me qëllim që nga 8 milionë USD ose 8 miliardë lekë, mbi 3 miliardë lekë të ndahen mes Sadriut, Veliajt dhe një pjesë e vogël për ata që bëjnë letrat dhe që rrezikojnë të hanë burgun. Por, plani nuk po shkon siç është parashikuar dhe loja po bëhet e rrezikshme.
Disa kompani serioze kanë hyrë në tender dhe kanë dhënë një ofertë më të ulët se ajo e nipit të Sadriut, ndërsa kompanitë e tjera kanë hyrë sa për fasadë, në koordinim me Sadriun, duke paraqitur dokumentacion të mangët dhe duke dhënë ofertë më të lartë, me qëllim të paracaktuar që të përjashtohen dhe tenderin ta marrë Sadriu. Tani problemi janë kompanitë që kanë hyrë seriozisht në garë.
Veliaj dhe Sadriu po ushtrojnë presion mbi anëtarët e Komisionit të Vlerësimit të Ofertave që t’i përmbahen planit të pazarit dhe të përjashtojnë me çdo kusht të gjitha kompanitë e tjera, pasi bëhet fjalë për 8 milionë USD, shumë kjo që nuk mund të lihet t’i ikë nga duart.
Anëtarët e KVO po detyrohen që të sajojnë justifikime dhe manovra nga më qesharaket për të përjashtuar nga gara të gjitha kompanitë e tjera, përveç Alko-Impex, që duhet të shpallet fituese. Fituesi do të shpallet ditët e para të muajit shkurt. Me këtë veprim, anëtarët e KVO rrezikojnë të bëjnë disa vite burg për korrupsionin e Sadri Abazit dhe Erion Veliajt, të cilët kanë nisur të rëndojnë dorën para zgjedhjeve, pasi duhen para për të blerë vota.
“Pamfleti” ka paralajmëruar që në dhjetor që Sadri Abazi do të marrë një nga tenderat e pastrimit të Tiranës, në mënyrë korruptive, pra të paracaktuar dhe me ofertë gati sa fondi limit. Ky denoncim mësohet se ka zgjuar më në fund organet ligjzbatuese shqiptare dhe segmente ndërkombëtare që monitorojnë zhvillimet në Shqipëri.
Veliaj dhe bandat e tij e hajdutëve në Bashkinë e Tiranës po monitorohet për këtë çështje, ndërsa pritet t’u parë nëse do të kemi lëvizje nga SPAK. Sipas burimeve tepër të sigurta, Veliaj dhe Sadriu janë gati të pranojnë burgun dhe nuk heqin dorë nga afera.
Në këto momente, KVO po bën letrat për të nxjerrë ‘fitues’ Sadriun./Pamfleti
