Sipas Fjalorit Enciklopedik të Akademisë së Shkencave të Shqipërisë botim i 1984, mallkimet janë shprehje që thuhen me forcë emocionale kundër dikujt a diçkaje për keq.
Në zanafillë përgjithësisht kanë qenë të lidhura me besimin në forcën magjike të fjalës.
Mallkimet ishin edhe dënime morale ndaj prishësve të normave shoqërore, ndaj veseve e dukurive negative etj. Një njeriu përtac i thuhej: “U theftë ajo parmendë që të ka ushqyer ty!”
Mund të shprehnin pikëllim e dëshpërim, në rastet kur njeriu nuk ia arrinte qëllimit me mjete reale.
Mallkimet kanë interes nga ana gjuhësore dhe për forcën e veçantë figurative.