Ivan Perishiç i ka dhënë fund aventurës së tij te Interi. Për këtë janë të sigurt në Gjermani ku kanë bërë të ditur se mes palëve ka një akord total dhe se futbollisti i përfaqësueses kroate do të vihet shumë shpejt nën urdhrat e Niko Kovaç te Bajern Mynih.
Sipas mediave gjermane, pas akordit të arritur në darkën e të shtunës, palët kanë caktuar që futbollisti të niset drejt Gjermanisë dhe të zhvillojë vizitat e detyrueshme mjekësore. Aty theksohet gjithashtu se lojtari i ka dalë jashtë planeve të Antonio Kontes, nuk do të humbasë kohë por sa të mbyllë të gjitha çështjet burokratike, do të shfaqet që të shtunën në stërvitje me Bajern Mynih.