Më në fund pritja e gjatë mbaroi. Emri i vajzës së Zayn Malik dhe Gigi Hadid u zbulua dhe për këtë u deshën 4 muaj që fansat të spekulonin rreth çdo emri të mundshëm dhe asnjëri prej tyre nuk ia qëlloi.
Vajza e çiftit të famshëm Khai!
Supermodelja e zbuloi emrin unik në një mënyrë shumë delikate – duke shtuar fjalët “Mamaja e Khai” në bion e saj të Instagramit në 21 janar. Gigi e ndau lajmin e shumëpritur saktësisht katër muaj pasi njoftoi ardhjen e vajzës së tyre në jetë.
“Vajza jonë është këtu, e shëndetshme dhe e bukur,” -shkroi Zayn në një status më 23 shtatori. “Të provoj të shprehësh me fjalë se si po ndihem tani do të ishte e pamundur. Dashuria që ndiej për këtë njeri të vogël është përtej kuptimit tim,”- shtoi ai. “Mirënjohës për njohjen e saj, krenar për ta quajtur timen, dhe mirënjohës për jetën që do të kemi së bashku.”
Disa orë më vonë, Gigi postoi një foto të dorës së Zayn teksa mban dorën e Khait. “Vajza jonë u bashkua me ne në tokë këtë fundjavë dhe ajo tashmë ka ndryshuar botën tonë,” shkroi 25-vjeçarja. “Në dashuri”.
Gigi i ka mbajtur fansat të informuar në lidhje me jetën e saj si nënë e re, por pa i zbuluar as emrin e as portretin. Familja jeton mes fermës së Hadidëve në Pensilvani dhe apartamentit të çiftit në New York. Gjatë sezonit të festave Khai përjetoi atë që Gigi e përshkroi si “dëborën e saj të parë”.
Zbulimi i vërtetë i emrit të vogëlushes përbën një zhgënjim për gjithë “Swifties”, që hedh poshtë teorinë e pretenduar nga adhuruesit e Taylor Swift pas publikimit në dhjetor të albumit të saj të nëntë. Kënga “Dorothea” mendohej se ishte për emrin e bebushes së ZiGi, veçanërisht duke marrë parasysh që në Folklor, kënga “Betty” e Taylor zbuloi emrin e fëmijës së tretë të Blake Lively dhe Ryan Reynolds.
Shumë teori janë hedhur poshtë nga Gigi me zbulimin e emrit të vogëlushes por rëndësi ka që kjo dilemë u shua.
Gigi dhe Zayn, të cilët filluan romancën e tyre në 2015, u ribashkuan në fund të vitit 2019 pasi u ndanë në fillim të vitit. Në prill 2020, dolën lajmet se çifti po prisnin fëmijën e tyre të parë së bashku – gjë që Gigi më vonë ia konfirmoi Jimmy Fallon në The Tonight Show.
Momentalisht ata janë një familje tejet e lumtur dhe padyshim shuuumë e bukur.
