SHBA e zhgënjyer nga show i OFL-së së Bablokut/ Gjykata Speciale kërkon zgjatjen e afatit të ligjit, por ministrja Etilda Gjonaj ka refuzuar t’i propozojë parlamentit amendimin e Aktit Normativ, duke dhënë shenja, se Rama do ta mbyll procesin e luftës kundër pasurive të siguruara me burime financiare kriminale, pa trokitur tek grupet e strukturuara të trafiqeve e krimeve të rënda, mbasi me ta mbanë pushtetin e qarkullon miliardat e tenderëve dhe PPP-ve
Më 31 dhjetor 2020, pushon veprimtaria ligjore e OFL, duke u quajtur “e kryer”, detyra për të cilën u krijua me aq bujë, por bilanci tregon se edhe kjo strukturë speciale “anti krim”, është mbyllur si ajo që krijoi Xhafaj para saj, sa për show nga vetë mafia politike.
Referuar këtij fakti, Gjykata e Posaçme Kundër Korrupsionit e Krimit të Organizuar, ka kërkuar nga Ministrja e Drejtësisë, Etilda Gjonaj, këto dy ndryshime ligjore:
- OFL të mos merret me krime pasurore rutinë, si vjedhje, gjobë-vënie e grabitje personash apo banesash, por vetëm me objektin e që ka: sekuestro të pasurive, të personave të dënuar për organizata kriminale, banda të armatosura e grupe të strukturuara krimesh të rënda dhe trafiqe.
- Strukturës së OFL, t’i zgjatet afati i veprimtarisë përtej datës 31 dhjetor 2020, mbasi ka ende shumë persona e grupe kriminale të dënuar e me pasuri gjigande, të pa prekur nga ky ligj.
Brenda ditës, ministrja Gjonaj i ktheu përgjigje Gjykatës Speciale, se nuk është kompetencë e saj, të kërkojë amendimin Aktit Normativ Nr.1, datë 31.1.2020, për zgjatjen e veprimtarisë së OFL; dhe ndalimin e OFL, që të mos u çojë zarfa grabitësve e hajdutëve të zakonshëm.
Është absurde kjo përgjigje, kur dihet që ministrja e ka detyrë kushtetuese, propozimin për ndryshime ligjore, sepse me krejt procesin për konfirmimin e akteve ligjore dhe veprimtarinë e institucioneve të drejtësisë, merret vetëm Ministria e Drejtësisë.
Madje brenda ministrisë, ka dhe 3 drejtori të pasoçme me 52 specialistë; të cilët japin viston e miratimit të ligjeve, para se aktet të kalojnë për debat në komisionin parlamentar.
Çfarë bilanci ka OFL në këto 10 muaj e çfarë mund të arrijë në 30 ditët e mbetura, nga të cilat, 9 ditë, janë pushime zyrtare festash fund-viti.
Referuar shifrës zyrtare të Ministrisë së Brendshme, të SPAK e Gjykatës Speciale, rezulton se deri sot, OFL ka shpërndarë 218 zarfa, por ka dorëzuar vetëm 120 dosje për hetim e gjykim sekuestro pasurie, ndërsa 26 dosje kanë dështuar për mungesë provash e shkelje ligji sekuestrimi.
Edhe këto, po sipas regjistrit të SPAK e GJPKKO, janë me emra të dënuarish fakirë; ndërkohë që në listë ka vetëm 17 emra “VIP”, të cilët janë në burg mbi 20 vite e dënim të përjetshëm.
Por nuk është çuar zarfi, tek 710 personazhe, familje e grupe kriminale; të cilët, sipas Regjistrit Penal të Ministrisë së Drejtësisë, janë të dënuar për trafik armësh e droge në grupe të strukturuara kriminale, kontrabandë masive, vrasje me pagesë, rrëmbime e zhdukje personi, grabitje me pasojë viktima e prostitucion
Nga këta, 121 persona janë ende në burg brenda e jashtë Shqipërisë, ndërsa 589 janë të lirë, me pasuri e biznese VIP, që punojnë lirshëm me licensa koncesionesh nga qeveria, madje 23 prej tyre, janë angazhuar në tenderët e ushqimor të spitaleve, konvikteve, kopshteve, çerdheve e burgjeve; në rindërtimin e pas tërmtetit dhe tenderët mjekësor “Covid”.
FAKT/ Në reagimin e tyre, SPAK e Gjykata Speciale, theksojnë se OFL, (kupola e qeverisë), nuk ka zbatuar Neni 5 të Aktit Normativ Nr.1, datë 31.1.2020; për të vendosur sekuestro vetëm mbi personat e dënuar brenda e jashtë Shqipërisë, për 10 krime të rënda.
Por, në 95% të zarfave, ka futur persona fakirë edhe pa “bukë në shtëpi”, të dënuar për krime të zakonshme, si vjedhje sendesh e banesash nëpër lagje, shitje hashashi, plagosje në klubet e fshatrave etj./Pamfleti
