Ministrja e Drejtësisë, Etilda Gjonaj i ka propozuar Kuvendit disa ndryshime në Kodin Penal, ku parashikohet ndër të tjera kriminalizimi dhe dënimi i shpifjes. Gjithashtu parashikohet dënimi me burg edhe në rastet kur një person publikon shkrime apo fotomontazhe (memet) në rrjetet sociale.
Në lidhje me këtë fakt ka reaguar edhe kryeministri Edi Rama, i cili jo vetëm që nuk e pranon se ata që bëjnë meme do dënohen, por thekson se s’ka asnjë shans që kjo të ndodhë.
Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!, shkruan Rama në Twitter
Por çfarë thotë konkretisht në nenin 238 të ligjit
1. Publikimi në cdo formë, mënyrë apo mjet i një montazhi të realizuar me fjalët ose imazhin e një personi pa pëlqimin e tij, nëse kryhet për qëllime përfitimi material ose jo material, apo kur ka qëllim të dëmtojë reputacionin e një personi, kur materiali nuk shfaqet dukshëm që është një montazh ose nëse nuk përmendet shprehimisht se eshtë i tillë, përbën kundrvajtje penale dhedënohet me burgim deri në 1 vit.
2. Ndjekja penale fillon me ankim të viktimës ose përfaqësuesit ligjor të saj dhe pushon me tërheqjen prej saj.
Mesa duket ministrja e Drejtësisë Etilda Gjonaj, e cila është një ndër politikanet, që mësë shumti është bërë meme, e ka bërë këtë ligj, vetëm për veten e saj pa dijeninë e kreut të qeverisë.
Ose Rama po mundohet të fshehë të vërtetën me një status në rrjetet sociale.
