Për 20 jetë të mbytura e zhdukura në det, mes tyre 4 fëmijë, trafikanti Zamir Xhihani u dënua 9 muaj burg/ Motra e komisioneres së KPK, Etleda Çiftja (Kaja), martuar me një nga dy vëllezërit trafikantë, administron vilat, pallatet, hotelet, tokat, fermat bujqësore, makinat luksoze, linjat inerte dhe impiantet e shitjes së mermerit e materialeve të ndërtim-hidro sanitare; e së fundi dhe impiant mbetjesh në Durrës me ca italianë “problematik”; pasuri që kanë si fillesë trafikun e drogës dhe qenieve njerëzore me gomone drejt Italisë
Mund të duket harresë rastësore, por nuk mund të konsiderohet e tillë, kur bëhet fjalë për pasuri e biznese, të krijuara me burime financiare trafiqe të rënda, bërë nga kunati dhe motra e një zyrtareje të lartë drejtësie, anëtare e KPK (Veting). Në listën prej 350 personash subjekt OFL, ishin dhe vëllezërit nga Kavaja, Zamir e Arjan Xhihani, bashkë me gruan e këtij të fundit, Ornela Xhihani (Kaja), motra e anëtares së KPK (Veting), Etleda Çiftja (Kaja); të cilët janë hequr nga lista.
SPAK mund të zbulojë, nëse vëllëzërit Xhihani nga Kavaja, i ka hequr nga lista Ministrja e Drejtësisë apo ministri Lleshaj e Drejtori i Policisë Ardi Veliu; dhe përse i kanë hequr e nuk ua bllokuan pasuritë e bizneset me vlerë mbi 3 milionë Euro. Ka zëra, se këtë lojë e ka bërë Fatmir Xhafaj, ngaqë ish-shefi i tij i sigurisë dhe sekseri i punëve të pista në ministri e Gardë, Dejvi Çiftja, është baxhanak me Arjan Xhihanin, por është dhe bashkëshort i anëtares së KPK (Veting), Etleda Çiftja, të lidhur në pasuri e biznese brenda grupit “Xhihani”.
Nën maskën e firmës “Xhiar 2009 shpk”, vëllezërit Zamir e Arjan Xhihani dhe Ornela Xhihani (Kaja); kanë vënë pasuri të shumta, në trajtë toka bregdetare, hotele, vila, restorante, apartamente e makina luksoze; dhe biznese ndërtimi, inerte rërë e zhavor lumi, mermer, pllaka, gurë dekrativë, hidrosanitare, ferma pemëtore, plazhe etj. Nëse hapen letrat në Kadastrën Kavajë, Durrës e Tiranë, do konstatohet se disa pasuri që ka deklaruar anëtarja e KPK, Etleda Çiftja (Kaja), janë dhurim e shitje nga kunati dhe motra e saj, Arjan e Ornela Xhihani (Kaja). E po kështu, apartamente e toka në Tiranë-Kavajë-Golem; ortakëri në një nga hotelet dhe bizneset e ndërtimeve, të cilat komisionerja Çftja e KPK nuk i ka deklaruar, por dhe mbi 3.2 ha tokë, që familja e saj Kaja dhe familja Xhihani e motrës, kanë vjedhur me ish- kryebashkiakun Elvis Roshi, duke i kujtuar vetëm këtë emër: Kaje Rustem Kaja.
Gjëresa bëhet fjalë për pasuri e biznese trafikantësh e përfshirje në to, të një anëtareje të KPK (Veting), duhet bërë hetim, për këto pasuri, që ata kanë në ermat e tyre:
– Sipërfaqe 3443 m2 tokë në Kavajë në pronësi të Etldeda Cftja (Kaja) dhe apartament 70.8 m2 në Tiranë, për të cilat nuk deklarohet origjina e fitimit të të tyre.
– Trafikanti Zamir Xhihani, më 11.07.2019, ka regjistruar 2290 m2 në Kavajë me Nr. Pasurie 5/813; pa asnjë deklarim burimi financiar të blerjes.
Po me këtë Nr. Pasurie në Kavajë, në këtë datë regjstrimi, Zamir Xhihani, ka blerë 1292 m2 tokë, po pa deklaruar burimin financiar.
– Në bashkëpronësi me Adile Xhihani e Rrahman Teferiçi, më 4 gusht 2020, Zamir Xhihani ka regjistruar 750 m2 truall në Kavajë.
– Po në bashkëpronësi me Adile Xhihani, në datën 07.06.2019, ka regjstruar 1000 m2 truall në Kavajë dhe një banesë me sipërfaqe 110 m2.
– Më datë 03.09.2020, në emër të firmës “Xhiar-2009”, bashkëpronarët e këtij biznesi, Arjan Xhihani, Ornela Xhihani-Kaja (motra e Etleda Çiftja (Kaja) dhe Zamir Xhihani, kanë regjistruar 1200 m2 tokë në Kavajë.
– Më 01.07.2020, bashkëshortët Arian Xhihani e Ornela Xhihani (Kaja), kanë regjistruar një ndërtesë me sipërfaqe bazë 300 m2 objekt në Kavajë.
– Prej 10 vitesh, me firmën “Xhiar 2009”, Zamir Xhihani e Arjan Xhihani, kanë uzurpuar 32 mijë m2 shtrat të lumit Shkumbim në zonën Vilë-Bashtovë (Gosë-Kavajë) dhe nxjerrin rërë e zhavorr pa leje e pa paguar asnjë taksë.
– Për këtë zaptim, u denoncuan e u ndalua nga Këshlli i Basenit Ujor, me Vendim nr. 62, datë 10.10.2017; por janë lejuar të vazhdojnë aktivitetin.
Sa për kujtesë, bilancet e firmës së grupit “Xhihani” i administron bashkëpronarja Ornela Xhihani (Kaja), motra e anëtares së “Veting”, Etleda Çiftja (Kaja).
Hetimi tatimor; ka detyrimin dhe fuqinë, të zbardh nëse bilancet e kompanisë “Xhiar 2009 shpk”, janë me humbje apo super fitime që i fshehin; brenda të cilës përfshihen e fshihen 13 aktitivitete me 1 numër “NIPT”-i, paçka se duihet të jetë veç e veç, mbasi janë sektor të ndryshëm. Ndërsa SPAK, duhet të hetojë pasuritë e patundshme, kontratat e import-eksportit me italianët, spanjollët, bullgarët e maqedonasit; duke nisur me burimet financiare të biznesve që ka kompania e grupit mafioz “Xhihani-Kavajë”, ku bënë pjesë si ortake e përfituese dhe komisionerja e KPK-Veting-ut, Etleda Çiftja e familjarë të saj. /Pamfleti
