Falenderimet nga figurat politike italiane për aktin e Shqipërisë, të dërgimit të 30 mjekëvenë Itali për të ndihmuar në përballimin e situatës së Covid-19, nuk kanë të ndalur.
Kryeministri italian Giuseppe Conte ka shpërndarë videon e Kryeministrit shqiptar Edi Rama, në fjalimin e tij gjatë përcjelljes së 10 mjekëve dhe 20 infermierëve drejt Italisë.
“Faleminderit” shkruan Conte, ndërsa i bashkëngjit edhe flamurin tonë kombëtar, duke e publikuar këtë video si një mënyrë falenderimi.
Grazie 🇦🇱
Posted by Giuseppe Conte on Sunday, March 29, 2020
Fjala e Ramës:
Nuk na ka humbur memoria; nuk mund të mos i tregojmë Italisë se Shqipëria dhe shqiptarët, nuk kanë braktisur kurrë një mik në vështirësi. Sot jemi të gjithë italianë dhe Italia duhet ta fitojë këtë luftë edhe për ne, për Evropën dhe të gjithë botën.
Ju pjesëtarë guximtarë të këtij misioni për jetën, po niseni për një luftë që është edhe e jona. 30 mjekë dhe infermierë shqiptarë nisen sot për në Itali, nuk janë shumë dhe nuk do ta zgjidhin betejën mes armikut të padukshëm dhe bluzave të bardha që po luftojnë nga ana tjetër e detit. Por Italia është shtëpia jonë që kur vëllezërit dhe motrat tona na kanë ndihmuar në të shkuarën, duke hapur dyert për ne dhe duke na ndihmuar kur këtu kishte vuajtje.
Ne po luftojmë të njëjtin armik. Burimet njerëzore dhe logjistike nuk janë pa kufi, por ne mund t’ia dalim mbanë ndërkohë që në Itali ka një nevojë të madhe për ndihmë.
Kujtojmë se ditën e djeshme 10 mjekë dhe 20 infermierë shqiptarë u nisën drejt Italisë për të ndihmuar në situatën e vështirë që po kalon shteti fqinj.
Ata do të rrinë në Itali për një periudhë 1 mujore, ndërsa pagesën e tyre do ta bëjë qeveria shqiptare.
Italia është vendi më i prekur nga COVID-19, pasi numri i viktimave është më shumë se 10 mijë.
