Në qytetin e Torinos në Itali, janë mbledhur plot 20 mijë babagjyshë para spitalit “Regina Margherita” për eventin e përvitshëm të Babagjyshërve të Vitit të Ri.
Ky event bamirësie është organizuar nga “Forma Onlus” për fëmijët e spitalit “Regina Margherita” në Torino, për të grumbulluar 500 mijë euro për financimin e përmirësimit të procedurës së rezonancës magnetike të spitalit.
“Jemi veshur kështu për t’i sjellë buzëqeshjen këtyre fëmijëve, edhe pse heronjtë janë vet ata!”- shprehet një prej vullnetarëve. Ndërkohë, kryetarja e bashkisë së qytetit të Torinos, Chiara Appedino tha se kjo iniciativë tregon se ky është një qytet i bashkuar.