Forum22 Maj 2024, 15:50

20 fakte: A ka Shqipëria “Familje Mafioze” apo vetëm “banda dhe organizata kriminale”?

Shkruar nga Kreshnik Spahiu

20 fakte: A ka Shqipëria “Familje Mafioze” apo vetëm

7 bandat shqiptare të arrestuara apo shpallura në kërkim nga SPAK, qartazi janë të dhunshme dhe i përkasin krimit të organizuar por ato nuk mund të quhen kurrsesi “Familje mafioze” për këto arsye:

Ja çfarë kuptuam nga përgjimet...

Ku ndryshon krimi organizuar shqiptar nga mafia italiane apo mafia ndërkombëtare?

Padyshim që mafia egziston kudo edhe në Shqipëri, por përgjimet e fundit të 7 bandave kryesore në Shqipëri zbuluan qartazi dobësitë e tyre dhe provuan se ato janë shumë poshtë dhe larg një organizimi 100% mafioz.

Qytetarët e thjeshtë në zhargonin ditor, për çdo bandë përdorin termin “Mafia”, por në thelb ka disa ndryshime esenciale si koncept juridik.

7 bandat shqiptare të arrestuara apo shpallura në kërkim nga SPAK, qartazi janë të dhunshme dhe i përkasin krimit të organizuar por ato nuk mund të quhen kurrsesi “Familje mafioze” për këto arsye:

- Ato nuk kanë një organizim strukturor të centralizuar në formë piramidale me detyra dhe funksione të ndara. Ato nuk kanë as Kanun, as Kod, as “parime” mbi të cilat veprojnë.

- Ato nuk kanë rregulla dhe norma sesi të organizohen në kohë dhe hapësirë, si të komunikojnë, funksionojnë, antarësohen, punojnë dhe ndajnë fitimet apo aksionet e tyre. Ndrageta ndau në vitin 2022 për 1000 anëtarët e saj jashtë Italisë 2.3 milon euro fitim vjetor.

- 7 bandat shqiptare nuk kanë si Mafia e huaj ekskluzivitete në ekonomine shqiptare ashtu siç ndodh në Itali, Rusi, Meksikë etj ku mafia kontrollon sektore monopol në transport, buqësi, industri, eksport. Në disa raste ato quhen “Agromafia”, “Ekomafia”, Telemafia”, “Mafiabank”. I vetmi ekskluzivitet ishin lojërat e fatit për Ervis Martinajn nga qeveria demokratve por që nga 2014 u shkri si aktivitet. Bandat shqiptare kanë biznese por nuk kanë monopol të një sektori të ekonomisë së vendit.

- 7 bandat shqiptare nuk janë pronare apo aksionere as në banka, as nuk kanë kontroll në dhënien e fajdeve në qytete të caktuara. Atje ku ekziston mafia, shumica e qytetit jetojnë me para me fajde vetëm nga një famije.

- 7 bandat nuk kanë asnjë kontrroll ekskluziv në një qytet të caktuar përsa i përket “haraçit” që paguajnë bizneset më shumë se taksa shtetit. Në disa qytete italiane 200.000 biznese paguajnë “gjobën” e mbrojtjes mafies. 150.000 biznese nuk janë mbyllur nga zyra e taksave por nga mos pagesat mafies.

- 7 bandat shqiptare janë totalisht banale dhe amatore në mënyrën si funksionojnë. Kapot e tyre jo vetëm nuk janë diskretë dhe të fshehtë por sillen sikur janë play-boy filmash erotik banal duke gjuajtur femrat e bukura ne instagram. Ata kanë me shumë dashnore sesa ushtarë apo staf të organizuar dhe strukturuar. Gjysma e tyre kanë rënë në kurthe nga të dashurat e tyre. Kapot e mafieve të huaja kanë familje të mëdha dhe shumë autoritet familjar duke bashkëjetuar apo funksionuar në mënyrë patriarkale.

- 7 bandat shqiptare nuk kanë qëndrueshmërinë e Familjeve mafioze që 100 vjet trashëgohen dhe kanë lidhje gjaku apo lidhje “parimesh”. 7 bandat shqiptare çdo 7 ditë ndryshonin aleancat dhe ja fusnin njeri-tjetrit. 7 kapot e bandave shqiptare janë banal, të pabesë, injorante, mashtrues, llafazan, thashethemaxhi, halabakë, totalisht provincial dhe kanë dhunën primare jo influencen në shtet dhe popull.

- 7 bandat shqiptare janë të urryera në zonat e tyre dhe jo të pëlqyera apo solidare si Mafia. 7 bandat shqiptare nuk e mbrojnë komunitetin ku veprojnë por e dhunojnë. Mafia italiane apo ajo kolumbiane janë të dashura nga komuniteti sepse ndihmohen apo mbrohen shpesh prej saj.

- Dallimi mes bandave shqiptare dhe bandave italiane është që “halabakët” shqiptarë janë të fortit që ecin me xhama të zinj dhe makina të blinduara, ndërsa kapot e mafias italiane ecin në këmbë apo biçikletë duke i përshendetur gjithë qyteti, por duke mos i treguar askush nga banorët policisë se kush është ai “plaku me kollare” që po ha akullore në qendër të qytetit.

- 7 kryebanditët shqiptarë bënin lekë për tu dukur me veshje firmato dhe pushime në Ibiza. Familjet mafioze në botë bëjnë para që të mos duken dhe mos bien në sy.

- 7 bandat shqiptare ranë në rrjetën e policisë sepse të 7 shefat si amatore komunikonin drejtpërdrejt me njëri tjetrin dhe nuk përdornin filtra apo korrierë. Familjet mafioze nuk ka asnjë shanc që “krye-familjaret” të komunikojnë me telefona dhe pa kode.

- 7 kryebanditët shqiptarë janë komplet amator në krimet e tyre. Ata urdhërojnë vetë, financojnë vetë, organizojnë vetë, ekzekutojnë vetë. Mjafton kaq për të kuptuar sa larg organizimeve mafioze ata janë. Në botë ka me dhjetra organizata mafioze, drejtuesit e të cilave kanë urdhëruar me qindra vrasje por personalisht nuk kanë prekur pistoletë me dorë.

- 7 bandat shqiptare nuk kanë si mafia ndërkombëtare një sistem paralel fiskal apo bankar. Ato vazhdojnë të mbajnë paratë nëpër fuçi djathi apo gropa në bahçen e shtëpisë.

- 7 bandat shqiptare ndryshe nga mafia ndërkombëtare nuk kryejnë atentate politike apo shtetrore. Nga përgjimet nuk rezulton asnjë aksion dhune apo vrasje për kundërshtar politik.

- 7 bandat shqiptare nuk kanë një listë pagesash masive në shtet ashtu siç kishte Al Capone apo çdo mafie tjetër që paguajnë mbi 300 pokitikanë, gjyqtarë, prokurorë, policë, doganierë me pagë fikse çdo muaj. Pagesat që bëjnë bandat shqiptare kur kanë halle nuk quhen finacim i organizuar mafioz. Pagesat mujore janë element organizimi dhe jo rryshfeti spontan.

- E fundit 7 bandat shqiptare nuk kanë një sistem organizimi formal si çdo mafie italiane me hierakinë e urdhërave, vendimeve dhe kopetencave: 

 1- Shefi, 2- Këshilltari, 3- Zv/shefi, 4- Kapitenët, 5- Ushtarët/ekzekutorët. 6- Financieri, 7-Aksionerët. 8-Antarët.

- 7 bandat banale shqiptare nuk kanë arritur dot të krijojnë “legjislacionin” e tyre që të ishte i detyrueshëm në qytete të vaktuara ku ata të ofronin si mafia italiane mbrojtje ekstra ligjore për komunitetin.

Të gjitha këto fakte janë relativisht të debatueshme por kryesisht provojnë se krimi organizuar në Shqipëri është i dhunshëm, është brutal, është famëkeq, është i rrezikshëm, është i fortë, është vrastar por në thelb është larg një strukturimi mafioz klasik.

Ky është një lajm i mirë sepse me këputjen e disa kokave, bandat e tyre shpërbëhen dhe çmontohen. Ato nuk trashëgohen në drejtim, dhe struktura e tyre nuk mund të vazhdojë funksionimin.

Ato lindin dhe shuhen ose copëzohen me vrasjen e kryetarit.

E njëjta histori ndodhi me bandën e parë të Gaz Muçës, e cila u shkri me vrasjen e tij, dhe njesoj vazhdon me “Naim Zyberi”, “Haklat”, “Zani Çaush” apo deri në ditët e sotme “Ervis Martinaj”…

Me zhdukjen e tyre, zhduken dhe bandat.

E kundërta do ndodhte nëse do kishin krijuar disa familje mafioze.

Tek mafia vdes kryetari por vazhdon trashëgimtari dhe ushtria e tij si shtet paralel me gjithë financat dhe asetet e trashëguara…

shqiperia familje mafioze banda organizata kriminale 20 fakte