Vitin e kaluar bëri xhiron e portaleve shqiptare video e postuar nga aktori turk Ozan Guler. Ky i fundit kishte postuar një video të Arilenës duke kënduar “Nëntorin” në versionin shqip duke shprehur simpati për këngëtaren shqiptare. Arilena nuk reagoi fare mbi këtë video dhe as nuk ja ktheu “follow”, aktorit.
E ftuar mbrëmjen e djeshme në “Xing me Ermalin”, këngëtarja u shpreh se e kishte pëlqyer në pamje Ozanin por nuk i kishte bërë “follow” pasi nuk e njeh personalisht.
“Djalë simpatik, si luan, i mirë, me muskuj, gatuan, djalë për shtëpi, për t’u martuar është. Kur postoi videon ky, fansat më shkruanin ta ndiqja. Nuk e ndoqa se nuk e njoh personalisht. Ai po të dojë të vijë tek shtëpia të kërkojë dorën, martohemi, kjo punë merr fund”, u shpreh Arilena.