Presidenti nuk po gjen rehat as në zyrë e as në shtëpi, nga ankthi i drejtësisë së re; prej së cilës nuk e qetëson dot as Gjini i “Portokallisë” e Qimi i gazetarisë; por nuk e shpëton dot as Gjini i drejtësisë
Prej 1 muaji, presidenti Ilir Metaj, jetoi në male e shpella, jo se nuk ka livadhe e hije në Presidencë dhe në Pallatin e Brigadave; por sepse i futur brenda atyre mureve e kangjellave të rrethuara me policë, i bëhet hije, sikur është atje ku ia kanë bërë krevatin gati.
Vendet më të preferuara të president Likes; ishin bujtinat dhe hotelet mes gjelbërimit, jo se ai nuk i ka 3-4 herë më të mëdha e më luksoze sarajet në Lalz, Sarandë, Shëngjin e Himarë, por kur pushon atje, përjeton ankth sfilitës psikolgjikisht e shpirtërisht; sa herë dëgjon për ngritjen e SPAK-BKH dhe sa herë SHBA, bën thirrje për prangosje politkanësh, që kanë vënë pasuri me korrrupsion e krim.
Nëse drejtësinë shqiptare, Likja nuk e ka përfillur prej 28 vitesh ngaqë e kishte nën këmbë; nga drejtësia e re që po instalojnë SHBA-BE, ai po dridhet si “brejtësi në vrimë”, ngaqë e di se ky është fundi i “epopesë së tij të zezë”.
E përveç këtij sikleti me drejtësinë, Likja është bërë e po bëhet “leckë” dhe nga shqiptarët; jo si President Republike, sepes atë “llogari” e ka me emëruesin e tij Edi Rama; por po denigrohet si kryehajdut e dorë-fshehur, në shumë prapaskena dhe eleminime me pagesë; ose me konvertim kriminelësh në poste të larta shteti.
Në ditën e fundit të strukjes maleve e shpellave; president Likja, qendroi 1 natë në një stan delesh, ku prej andej publikoi një fotografi, duke pozuar si “djalë fshati” i mbështetur te gardhi i vathës, në prag-muzgun e mbrëmjes, që dukej sikur përcillte meditim pendues, pse jo me këtë përmbajte: – “Mbase, do isha më i qetë e i lumtur, sikur të isha një çoban me dele në Çepan!”. Pendesa jote o Like, është shumë e saktë por e shumë e vonuar; sepse po të kishe qendruar çoban me dele në Çepan, si trashëgues i traditës e zanatit të gjysh Deçkës; sot nuk do ishe telendisur e katandisur në këtë derexhe; sa edhe atyre deleve u dukesh si ujk, ndërsa shqiptarët të urrejnë./Pamfleti/
