Ekonomi 6 Gusht 2018, 15:27

Gati rritja 30% e pagave për “agallarët” e bashkive, ja sa paguhen tani, ndërsa pensionet u rritën me 1 kg gjizë në mu

Shkruar nga Pamfleti
Gati rritja 30% e pagave për “agallarët” e bashkive, ja sa

Gati rritja 30% e pagave për “agallarët” e bashkive, ja sa paguhen tani, ndërsa pensionet u rritën me 1 kg gjizë në muaj

Përfitojnë 170 shefa, që “lodhen” për hallet e popullit

Ndërkohë që pensionet lëmoshë të 652 mijë hallexhinjve të moshuar dhe personave invalidë, u rritën me 2.8%, ose sa një kilogramë gjizë në muaj, lajmi i fundit që ka dalë nga zyrat e qeverisë, flet për rritjen e pagave të kryebashkiakëve, prefektëve, kryetarëve të këshillave në qarqe dhe zevendësve të tyre!

Sipas burimeve të sigurta që ka marrë “Pamfleti”, thuhet se pagat e 170 “agallarëve” që drejtojnë 61 bashkitë, 12 qarqet dhe 12 prefekturat e Shqipërisë, do të rriten 30%, referuar pagës mujore që marrin aktualisht, përveç 2% shtesë mbi pagën mujore, që u jepet për çdo 1 vit vjetërsi pune, por jo më tepër se për 20 vite punë.

Kujtojmë, që pagat aktuale të drejtuesve të pushtetit lokal, janë rritur 1 vit më parë, me VKM Nr. 177, datë 08. 03. 2017, të ndara sipas numrit të banorëve që ka çdo bashki, disa prej të cilave arrijnë në nivel page ministri dhe gjenerali.

Bashkitë me 200 mijë e 1 banor, deri 400 mijë dhe 400 mijë banorë

Kryetari: 130 mijë – 162 mijë e 750 lekë
N/kryetari: 100 mijë – 138 mijë lekë
Bashkitë me 100 mijë e 1 banorë, deri 200 mijë banorë

Kryetari: 110 mijë – 150 mijë lekë
N/kryetari: 70 mijë – 125 mijë e 725 lekë
Bashkitë me 50 mijë e 1 banorë, deri 100 mijë banorë

Kryetari: 70 mijë – 125 725 lekë
N/kryetari: 60 mijë – 101 mijë e 650 lekë
Bashkitë me 20 mijë e 1 banorë, deri 50 mijë banorë

Kryetari: 60 mijë -101 mijë e 650 lekë
N/kryetari: 45 mijë – 86 mijë e 100 lekë
Bashkitë që kanë deri 20 mijë banorë

Kryetari: Nga 45 mijë – 86 mijë e 100 lekë
N/kryetari: Nga 28 mijë e 300 – 75 mijë e 500 lekë
Prefekturat

Kryetari i Qarkut: 87 mijë – 150 mijë lekë
Zv/Kryetari i Qarkut: 57 mijë e 600 – 101 mijë e 650 lekë
Prefekti i Tiranës: 130 mijë e 300 lekë
Prefektët e tjerë: 118 mijë e 300 lekë/Pamfleti/

Ekonomi