Politike20 Shtator 2019, 14:20

Gjata flet për vendimin e Tahirit: Prisnim çdo gjë përveç drejtësisë!

Shkruar nga Pamfleti
Gjata flet për vendimin e Tahirit: Prisnim çdo gjë

Gjykata e Krimeve të Rënda ka marrë vendim për ish-ministrin e Brendshëm Saimir Tahiri. Kjo gjykatë mori vendimin për Tahirin, duke e dënuar 5 vjet, por për shkak të gjykimit të shkurtuar do të dënohet 3.4 vjet. Për shkak të gjykimit të shkurtuar, Tahiri do të dënohet me shërbim prove dhe nuk duhet të bëjë më tjetër vepër penale.

Sekretari për Çështjet Ligjore në Partinë Demokratike, Çlirim Gjata tha se vendimi për ish-ministrin e Brendshëm, Saimir Tahiri, ishte politik, dhe se kryeministri Edi Rama nuk e shiti deri në fund, pasi kishte frikë prej tij. Sipas Gjatës, Tahiri ka gjëra dhe dosje shumë të rënda për Ramën dhe PS-në.

Sekretari për Çështjet Ligjore në Partinë Demokratike tha se opozita priste gjithçka për Saimir Tahirin, përveçse drejtësisë, e cila sipas tij është e kapur tërësisht nga kryeministri Rama dhe segmente të mazhorancës.

E dinim që gjithçka prisnim, vetëm drejtësi jo. Ajo që ndodhi mbrëmë, mund ta perifrazoj me shprehjen popullore: “u mbars mali, e polli një mi”. Shpërdorimi i detyrës sot është si agjitacioni i propagandës në kohën e Enverit. Shpërdorim detyre mund të gjejmë për këdo. Është një urë shpëtimi për të larë duart. Problemi është shumë më i thellë. Gjithçka sillej rreth asaj shprehjes “shefi i madh”.

Me çfarë thotë Tahiri, tregon se ai ka vërtet gjëra të rënda, se ka qenë ministër i Brendshëm dhe në një kohë shumë të trazuar, kur Shqipëria u kanabizua. Tahiri nuk e lejoi ta godisnin që nga deklarata e tij “S’keni parë gjë akoma”, deri te “Shefi i madh”, duke iu thënë se “do iu marr të gjithëve me vete”. Këtu ai kërcënoi hapur Edi Ramën. Kjo e shpëtoi atë, por shkatërroi drejtësinë. Dosja “Tahiri” u shkatërrua me ardhjen e Arta Markut dhe shoqes së saj, Donika Prela.” – u shpreh Gjata.

Nga ana tjetër Gjata nuk la pa përmendur një nga aludimet që ka qëndruar më së shumti edhe në vetdijen e opinionit publik, pra fakti se Tahiri mund të ketë shantazhuar e kërcënuar kryeministrin për t’i nxjerrë gjithë “të palarat” Edi Ramës.

Të mbrojtur politikisht nga Rama. Kjo që ndodhi me Tahirin ishte brenda luftës për pushtet mes Tahirit, Ramës e të tjerëve brenda PS. Sa ministra të Brendshëm ka futur në burg Enver Hoxha? Të gjitha me radhë, që kishin bërë krime, por kryekrimineli ishte Enver Hoxha. E njëjta metodë përdoret tani me përjashtim të pushkatimit. Rama nuk e shiti deri në fund Tahirin, sepse kishte frikë, pas Tahiri pati të dhëna për të, kishte dosje. Vetëm përgjimet e Dibrës dhe Durrësit e pamë çfarë doli, imagjino çfarë mund të ketë Saimiri për to. Nëse Tahiri do dënohej për drogë e grup kriminal, po Rama ku ishte që nuk e shikonte.

Kauza e PD është që fajtorët të dalin para drejtësisë. Për shkak të drogës, nuk kemi asnjë lëvizje drejt BE-së. Nuk u dha drejtësi. Saimir Tahiri di shumë gjëra, ai tha dje “Do kishte qenë më burrërore, të më dënonin sipas akuzave të Prokurorisë”. Ky ishte kërcënim i hapur.” – përfundoi ish-deputeti demokrat.

Politike