Një ngjarje e rëndë është shënuar mbremjën e djeshme në Bulqizë ku një 32-vjeçare, me iniciale M.F është mbytur në lumin që përshkon qytetin në mes.
Sipas informacioneve nga policia, bëhet me dije se trupi i viktimës është gjendur orët e vona të së martës nga kalimtarë të rastit, të cilët më pas kanë lajmëruar policinë.
Kjo e fundit ka kërkuar ndihmën e ekspertit mjeko-ligjor, i cili nuk ka konstatuar dëmtime apo shenja dhune në trupin e 32-vjeçares.
Ngjarja është referuar në Prokurori si ‘ngjarje aksidentale’, ndërkohë që organi i akuzës do të vijojë hetimet në lidhje me rethanat dhe shkaqet e vdekjes së të resë nga Bulqiza.
NJOFTIMI I POLICISE
U referuan materialet në Prokurorinë pranë Gjykatës së Shkallës së Parë Dibër si “ngjarje aksidentale”, pasi rreth orës 21.30, datë 10.09.2019, është gjetur e mbytur në lumin e Bulqizës shtetasja M.F, 32 vjeçe, banuese në Bulqizë.
Nga kqyrja e trupit të viktimës, nga eksperti mjeko-ligjor, nuk janë konstatuar dëmtime apo shenja dhune”, thuhet në njoftimin e policisë.