Bota16 Shtator 2019, 18:33

Shkruar nga Pamfleti

Gjermania zgjat ndalimin e eksportit të armëve: Në interesin strategjik të Gjermanisë për të ndihmuar Arabinë Saudite të mbrohej

Qeveria gjermane do të zgjasë ndalimin për eksportimin e armëve në Arabinë Saudite, citon Reuters një burim të paidentifikuar nga qeveria gjermane.

Gjermania herën e fundit zgjati ndalimin e eksportit të armëve në Arabinë Saudite në fund të marsit dhe do të skadojë më 30 shtator.

Ndalimi do të zgjatet për shkak të luftës në Jemen dhe për shkak se social-demokratët gjermanë ende kundërshtojnë heqjen e moratoriumit.

Nga ana tjetër, AP raporton se deputeti Jurgen Hart tha se Berlini duhet të rishqyrtojë ndalimin e tij për eksportimin e armëve në Arabinë Saudite përballë sulmeve mbi objektet e naftës në vend.

Ai tha se heqja e ndalimit të eksportit në sistemet e armëve ishte në interesin strategjik të Gjermanisë për të ndihmuar Arabinë Saudite të mbrohej.

Gjithashtu i bëri thirrje Berlinit të rishqyrtojë politikën e saj ndaj Iranit, duke deklaruar se “nuk ka prova të qarta të sulmeve ajrore të drejtpërdrejta të Iranit në rafinerinë saudite, por bashkëpunimi i ngushtë i Iranit me rebelët Huti në Jemen është i dukshëm”./Insajderi

Bota