Avokati i Luan Dacit, Jordan Daci ka folur para mediave pas seancës së sotme në GJKKO, ku ka deklaruar se vendimi për të pezulluar me 12 muaj gjyqtarin është i gabuar dhe kontradiktor, madje precedent i rrezikshëm.
Sipas tij gjyqtari Luan Daci ka deklaruar disa herë se është shkarkuar në vitin 1997, kurse edhe nëse e ka bërë deklarim të rremë atëhere nuk përbën vepër penale.
“Vendimi është i gabuar dhe kontradiktor. Në arsyetim u thanë fakte të ndryshme, si dhe i famshmi protokoll i Avokatit të Popullit, i cili është bërë disa javë pasi është bërë mbrojtja nga ana jonë.
Ky është një precedent shumë i rrezikshëm sepse i hap një rrugë shumë të keqe në raport me praktikën për falsifikimin e dokumenteve në Shqipëri.
E ka deklaruar disa herë që është shkarkuar në ’97. Kjo që po thoni nuk përbën element të veprës penale. Ligji është fare i qartë, deklarimi i rremë edhe nëse është bërë nuk përbën vepër penale. Në dijeninë time e ka deklaruar. Procesverbaleve i mungon regjistrimi audio.
S’ka asnjë efekt, nuk është i formës së prerë, shpresojmë që Apeli duhet të kemi parasysh i dha zgjidhje ekzzistencës së faktit penal. Këtu s’ka përgjegjësi penale, shpresojmë të bindim dhe Apelin.”-tha Jordan Daci.
