Greqia ka shënuar sërish shifra të larta nga COVID-19. 2 mijë e 152 të infektuar dhe 87 viktima janë regjistruar së fundmi.
Autoritetet më tepër se sa për shifrat, janë të shqetësuar për rastet me intubim. 597 pacientë janë në intubim teksa numri së shpejti pritet të kalojë 600-ën.
Duket se Greqia i druhet një kolapsi të spitaleve prej fluksit të pacientëve me COVID-19 pasi javët e fundit numri i shtrimeve është rritur në mënyrë dramatike.
Ndërkohë, Organizata Botërore e Shëndetësisë bën me dije se shteti ynë fqinj Italia, ka shënuar sot edhe numrin më të larta të rasteve me koronavirus në Europë të regjistruara gjatë shtatë ditëve të fundit dhe renditet e treta në botë.
Sipas raportit epidemologjik javor të OMS në 1 milionë banorë Italia ka regjsitruar 3902 të infektuar gjatë javës së fundit, ndërkohë që numri i viktimave në krahasim me një javë më parë është rritur me 26% më shumë, pra 578 viktima çdo 1 milionë banorë.
Dita e sotme ka regjistruar në Itali 722 viktima dhe të 25.853 të infektuar Covid-19.
