Trajneri Christian Panucci dhe presidenti Armand Duka e kanë pritur me ankth të madh shortin për kualifikueset e Europianit 2020. Shorti u hodh në Dublin të Irlandës, prej orës 12:00, aty ku Shqipëria dhe Kosova mësuan kundërshtarët e tyre të radhës. Pas dështimit në UEFA Nations League pritet që skuadra të reagojë në kualifikueset e Europianit.
Sfidat që nuk lejohen janë Kosovë-Serbi, apo Kosovë-Bosnje Hercegovinë. Gjithashtu nuk lejohen as Spanjë-Gjibraltar, Azerbajxhan-Armeni dhe Ukrainë-Rusi (këto dy çifte janë një vazo dhe nuk ka shanse të përballen gjithsesi). Në total janë 10 grupe që dolën nga 6 vazot e ekipeve të renditura. Dy vendet e para kualifikohen direkt për në finalet e turneut. Shqipëria ndodhet në grupin H me kundërshtarë si Franca, Islanda, Turqia, Moldavia dhe Andora. Praktikisht një grup shumë i vështirë!
GRUPI A: Angli, Çeki, Bullgari, Mali i Zi, Kosovë.
GRUPI B: Portugali, Ukrainë, Serbi, Lituani, Luksemburg.
GRUPI C: Holandë, Gjermani, Irlandë e Veriut, Estoni, Bjellorusi.
GRUPI D: Zvicër, Danimarkë, Irlandë, Gjeorgji, Gjibraltar.
GRUPI E: Kroaci, Uells, Sllovaki, Hungari, Azerbajxhan
GRUPI F: Spanjë, Suedi, Norvegji, Rumani, Ishujt Faroe, Malta.
GRUPI G: Poloni, Austri, Izrael, Slloveni, Maqedoni, Letoni
GRUPI H: Francë, Islandë, Turqi, Shqipëri, Moldavi, Andorrë.
GRUPI I: Belgjikë, Rusi, Skoci, Qipro, Kazakistan, San Marino.
GRUPI J: Itali, Bosnje-Hercegovinë, Finlandë, Greqi, Armeni, Litenshtejn.